News July 4, 2024

కనిగిరిలో రెండో రోజూ ఆక్రమణల తొలగింపు

కనిగిరిలో ఆక్రమణల తొలగింపు కార్యక్రమం రెండో రోజూ కొనసాగుతోంది. పామూరు రోడ్డులో డ్రైనేజీ కాలువలను ఆక్రమించి చేపట్టిన నిర్మాణాలను జేసీబీతో మున్సిపల్ అధికారులు తొలగించారు. రహదారులకు ఇరువైపులా ఆక్రమణల తొలగింపు కారణంగా పట్టణంలోని రహదారులు విస్తారంగా దర్శనమిస్తున్నాయి. నిన్న చెప్పులబజారు, ఒంగోలు బస్టాండు, పామూరు బస్టాండు సెంటర్లలో రోడ్డు వెంట ఉన్న ఫుట్‌పాత్‌ వ్యాపారులకు సంబంధించిన బంకులను తొలగించారు.