News August 12, 2024
కనిగిరి: గ్రానైట్ బండరాయి పడి లారీ డ్రైవర్ మృతి
గ్రానైట్ బండరాయి పడి లారీ డ్రైవర్ మృతి చెందిన సంఘటన కనిగిరి పట్టణంలో సోమవారం వెలుగు చూసింది. ఎస్సై త్యాగరాజు వివరాల ప్రకారం… పట్టణంలోని ఓ గ్రానైట్ క్వారీలో గ్రానైట్ బండరాయిని క్రేన్ తో లారీ పైకి లోడ్ చేస్తున్న సమయంలో ఒక్కసారిగా ఒరిగి లారీ డ్రైవర్ రత్తయ్యపై పడింది. గాయాలైన రత్తయ్యను పట్టణంలోని ఓ ప్రైవేటు వైద్యశాలకు తరలిస్తుండగా మృతి చెందాడు. కేసు నమోదు చేసినట్లు ఎస్సై తెలిపారు.
Similar News
News December 10, 2025
ప్రకాశం వాసులకు CM గుడ్ న్యూస్.!
ప్రకాశం జిల్లాకు సంబంధించి CM కీలక నిర్ణయం తీసుకున్నారు. జిల్లాలో ఉద్యానవన పంటలు సాగుచేసే రైతన్నలకు శుభవార్తగా చెప్పవచ్చు. ఉద్యానపంటలపై సమీక్షించిన సీఎం, జిల్లాలోని సాగునీటి ప్రాజెక్టులు, చెరువులను పూర్తి చేయడం ద్వారా పంటలకు నీరు అందించవచ్చని అధికారులకు సూచించారు. పోలవరం -నల్లమల సాగర్ ప్రాజెక్టుల అనుసంధానంతో ప్రకాశం, నెల్లూరు జిల్లాలో కొత్తగా 7లక్షల ఎకరాల ఆయకట్టుకు సాగునీరు అందించనున్నారు.
News December 10, 2025
చీమకుర్తిలో పిల్లలతో కలిసి భోజనం చేసిన కలెక్టర్
చీమకుర్తిలోని ప్రభుత్వం ఉన్నత పాఠశాలలో జరుగుతున్న మధ్యాహ్న భోజనాన్ని కలెక్టర్ రాజాబాబు, MLA విజయ్ కుమార్ బుధవారం మధ్యాహ్నం పరిశీలించారు. విద్యార్థులకు మెనూ ప్రకారం భోజనం అందించాలన్నారు. విద్యార్థులకు నాణ్యమైన భోజనం అందించాలన్నారు. తదుపరి విద్యార్థులతో కలిసి భోజనం చేశారు. కార్యక్రమంలో ఎంఈఓలు శివాజీ, ఎల్వీ నరసింహారావు, మండల టీడీపీ నాయకులు, తదితరులు పాల్గొన్నారు.
News December 10, 2025
ప్రకాశం జిల్లాలో 2కు చేరిన స్క్రబ్ టైఫస్ మృతుల సంఖ్య
ప్రకాశంలో స్క్రబ్ టైఫస్ మృతుల సంఖ్య రెండుకు చేరింది. వారం రోజుల వ్యవధిలో స్క్రబ్ టైఫస్తో ఇద్దరు మహిళలు మృతి చెందారు. గతంలో ఇదే వ్యాధి లక్షణాలతో ఎర్రగొండపాలెం మండలంలో ఓ మహిళ మృతి చెందగా.. తాజాగా సంతనూతలపాడు మండలం రుద్రవరానికి చెందిన మహిళ మృతి చెందినట్లు జిల్లా వైద్య ఆరోగ్యశాఖ నిర్ధారించింది. అయితే స్క్రబ్ టైఫస్ గురించి ఆందోళన అవసరం లేదని.. అవగాహన అవసరమని అధికారులు సూచిస్తున్నారు.