News February 7, 2025

కరప: గుండెపోటుతో తాటి చెట్టుపైనే కార్మికుడి మృతి

కరప మండల కేంద్రంలో ఒక కల్లుగీత కార్మికుడు తాటిచెట్టుపై గుండెపోటుతో మృతి చెందాడు. గురువారం సాయంత్రం రామ కంచి నగర్ కాలనీ వద్ద పెంకె శ్రీనివాస్(43)అనే కల్లుగీత కార్మికుడు తాటి చెట్టు పైకి ఎక్కి కల్లు గీస్తుండగా గుండెపోటుకు గురయ్యాడు. ఈ సంఘటన గమనించిన స్థానికులు చెట్టు పైకి ఎక్కి కిందకు దింపారు. అప్పటికే మృతి చెందినట్లు వారు తెలిపారు. మృతుడికి భార్య, ఇద్దరు కుమార్తెలున్నారు.