News September 17, 2024

కరీంనగర్‌లో జాతీయ జెండా ఆవిష్కరించనున్న మంత్రి

image

తెలంగాణ ప్రజాపాలన దినోత్సవం సందర్భంగా కరీంనగర్‌లో మంత్రి శ్రీధర్ బాబు జాతీయ జెండాను ఆవిష్కరించనున్నారు. నేడు ఉదయం 10 గంటలకు జరిగే ఈ వేడుకలకు పోలీస్ పరేడ్ గ్రౌండ్ సిద్ధమైంది. ముందుగా అమరవీరుల స్తూపం వద్ద మంత్రి నివాళులు అర్పించి తర్వాత జెండాను ఆవిష్కరిస్తారు. అనంతరం ప్రజలను ఉద్దేశించి ప్రసంగిస్తారు.

Similar News

News November 30, 2025

కరీంనగర్: సాఫ్ట్‌వేర్ ఉద్యోగం వదిలి సర్పంచ్ బరిలో!

image

లక్షల జీతం వదులుకుని సాఫ్ట్‌వేర్ ఉద్యోగిని మల్యాల జాహ్నవి సర్పంచ్ బరిలో నిలిచారు. కరీంనగర్ జిల్లా నాగులమల్యాల గ్రామానికి చెందిన ఆమె.. గ్రామ సమస్యలే తనను ప్రజాసేవ వైపు నడిపించాయని తెలిపారు. శుక్రవారం నామినేషన్ దాఖలు చేసిన ఆమె, గ్రామాన్ని అభివృద్ధి చేస్తానని హామీ ఇచ్చారు. యువతి సాహసం స్థానికులను ఆకట్టుకుంది.

News November 30, 2025

చొప్పదండి విద్యార్థికి అరుదైన గౌరవం

image

చొప్పదండి జడ్పీహెచ్ఎస్ విద్యార్థి టి.తరుణ్ కుమార్ జాతీయస్థాయి నెట్ బాల్ పోటీలకు ఎంపికయ్యారు. అండర్-17 విభాగంలో డిసెంబర్ 8 నుంచి రాజస్థాన్‌లో జరిగే ఎస్జీఎఫ్ పోటీల్లో తెలంగాణ రాష్ట్ర జట్టు తరఫున తరుణ్ పాల్గొంటాడు. విద్యార్థి ప్రతిభను డీఈఓ మొండయ్య అభినందించి, జాతీయ స్థాయిలోనూ రాణించాలని సూచించారు.

News November 30, 2025

కరీంనగర్‌లో ప్రజావాణి తాత్కాలికంగా రద్దు

image

గ్రామ పంచాయతీ ఎన్నికల షెడ్యూల్ విడుదలైన నేపథ్యంలో కరీంనగర్ జిల్లాలో ప్రతీ సోమవారం నిర్వహించే ప్రజావాణి కార్యక్రమాన్ని తాత్కాలికంగా రద్దు చేస్తున్నట్లు కలెక్టర్ పమేలా సత్పతి ప్రకటించారు. ఎన్నికల కోడ్ ముగిసేంత వరకు ఈ రద్దు కొనసాగుతుందని, అనంతరం యథావిధిగా కార్యక్రమం పునఃప్రారంభమవుతుందని ఆమె తెలిపారు. ఈ విషయాన్ని ప్రజలు గమనించాలని కలెక్టర్ సూచించారు.