News July 6, 2024
కరీంనగర్: బాలిక ప్రసవం.. వ్యక్తిపై కేసు నమోదు
కరీంనగర్ జిల్లా సైదాపూర్ మండల పరిధిలో ఓ బాలిక ప్రసవించిన ఘటన కలకలం రేపింది. పోలీసుల వివరాలు.. ఓ గ్రామానికి చెందిన బాలిక ఇంటర్ పూర్తి చేసి ఇంటి వద్దనే ఉంటోంది. ఈ క్రమంలో వరుసకు బావ అయినా వెంకటేశ్ బాలికతో వివాహేతర సంబంధం కొనసాగించాడు. దీంతో బాలిక ఈ నెల 1న వరంగల్ MGM ఆస్పత్రిలో పాపకు జన్మనిచ్చింది. ఆమె తండ్రి ఫిర్యాదు మేరకు వెంకటేశ్‌పై కేసు నమోదు చేసి దర్యాప్తు చేస్తున్నట్లు ఎస్ఐ ఆరోగ్యం తెలిపారు.
Similar News
News November 30, 2025
KNR: ‘ప్రీ-మెట్రిక్ స్కాలర్‌షిప్‌‌కు అప్లై చేసుకోండి’
జిల్లాలోని ప్రభుత్వ పాఠశాలల్లో చదువుతున్న ఎస్టీ విద్యార్థులకు ప్రీ-మెట్రిక్ స్కాలర్‌షిప్‌ల కోసం దరఖాస్తులు ఆహ్వానిస్తున్నట్లు గిరిజన అభివృద్ధి అధికారిణి కే.సంగీత తెలిపారు. 5 నుంచి 10వ తరగతి విద్యార్థులు డిసెంబర్ 31లోగా e-passలో రిజిస్ట్రేషన్ చేసుకోవాలన్నారు. సంబంధిత హెచ్ఎంలు రిజిస్ట్రేషన్ పత్రాలను అప్‌లోడ్ చేయాలని ఆమె సూచించారు.
News November 30, 2025
కరీంనగర్: సాఫ్ట్‌వేర్ ఉద్యోగం వదిలి సర్పంచ్ బరిలో!
లక్షల జీతం వదులుకుని సాఫ్ట్‌వేర్ ఉద్యోగిని మల్యాల జాహ్నవి సర్పంచ్ బరిలో నిలిచారు. కరీంనగర్ జిల్లా నాగులమల్యాల గ్రామానికి చెందిన ఆమె.. గ్రామ సమస్యలే తనను ప్రజాసేవ వైపు నడిపించాయని తెలిపారు. శుక్రవారం నామినేషన్ దాఖలు చేసిన ఆమె, గ్రామాన్ని అభివృద్ధి చేస్తానని హామీ ఇచ్చారు. యువతి సాహసం స్థానికులను ఆకట్టుకుంది.
News November 30, 2025
చొప్పదండి విద్యార్థికి అరుదైన గౌరవం
చొప్పదండి జడ్పీహెచ్ఎస్ విద్యార్థి టి.తరుణ్ కుమార్ జాతీయస్థాయి నెట్ బాల్ పోటీలకు ఎంపికయ్యారు. అండర్-17 విభాగంలో డిసెంబర్ 8 నుంచి రాజస్థాన్‌లో జరిగే ఎస్జీఎఫ్ పోటీల్లో తెలంగాణ రాష్ట్ర జట్టు తరఫున తరుణ్ పాల్గొంటాడు. విద్యార్థి ప్రతిభను డీఈఓ మొండయ్య అభినందించి, జాతీయ స్థాయిలోనూ రాణించాలని సూచించారు.