News November 16, 2024

కర్నూలు: ఒకేరోజు ముగ్గురు రైతుల మృతి

కర్నూలు జిల్లాలో విషాదం నెలకొంది. ఒకేరోజు ముగ్గురు రైతులు కన్నుమూశారు. కృష్ణగిరి మండలం చిట్యాలలో అప్పుల బాధలు భరించలేక బోయ మాదన్న(59) పురుగు మందు తాగి ఆత్మహత్య చేసుకున్నారు. ఆస్పరి మండలం కారుమంచికి చెందిన షేక్ జాకీర్ బాషా(37)కు అప్పులు ఎక్కువ కావడంతో గత నెల 25న విషం తాగారు. ఆసుపత్రిలో చికిత్స పొందుతూ చనిపోయారు. పత్తికొండకు చెందిన వెంకటేశ్వర్లు(57) టామాటా తోటలో గుండెపోటుతో తుదిశ్వాస విడిచారు.