News November 11, 2024
కర్నూలు నుంచి రాజమండ్రి జైలుకు వైసీపీ నేత తరలింపు
వైసీపీ నేత బోరుగడ్డ అనిల్‌ను కర్నూలు నుంచి రాజమండ్రి జైలుకు తరలించారు. ఆదివారం రాత్రి కర్నూలు త్రీ టౌన్ పోలీస్ స్టేషన్‌లో ఆయనకు కస్టడీ ముగియడంతో ఎక్సైజ్ అండ్ ప్రొహిబిషన్ కోర్టులో హాజరుపరిచారు. అనిల్‌కు 14 రోజుల రిమాండ్ విధించడంతో రాజమండ్రి సెంట్రల్ జైలుకు తరలించారు. సీఎం చంద్రబాబు, డిప్యూటీ సీఎం, మంత్రి లోకేశ్‌పై సోషల్ మీడియాలో అసభ్య పదజాలంతో దూషించారంటూ టీడీపీ నేతలుఫిర్యాదు చేసిన విషయం తెలిసిందే.
Similar News
News December 6, 2024
‘మరోసారి ఆడపిల్ల పుడుతుందేమోనని భార్యను, కూతురిని చంపేశాడు’
హోళగుంద మం. హెబ్బటంలో తల్లీ, కూతురు <<14801963>>మృతిచెందిన<<>> విషయం తెలిసిందే. సకరప్ప, సలీమా(21)కు పెళ్లైన ఏడాదికి పుట్టిన ఆడబిడ్డ 40రోజులకు చనిపోయింది. తర్వాత సమీరా(3)కు జన్మనిచ్చింది. ప్రస్తుతం గర్భిణి. అయితే మరోసారి ఆడపిల్లే పుడుతుందేమోనని భర్త రోజూ గొడపపడేవాడు. గురువారమూ వీరి మధ్య గొడవజరిగి, ఆవేశంతో కర్రతో సలీమా తలపై కొట్టి చంపాడు. అదంతా పాప చూడటంతో చిన్నారిని కూడా గొంతు నులిమి చంపి పోలీసులకు లొంగిపోయాడు.
News December 6, 2024
7న మెగా పేరెంట్స్, టీచర్స్ సమావేశం: కలెక్టర్
ప్రతి ప్రభుత్వ పాఠశాలలో మెగా పేరెంట్స్, టీచర్స్ మీటింగ్ ఈనెల 7న నిర్వహిస్తున్నట్లు కలెక్టర్ పీరంజిత్ బాషా వెల్లడించారు. గురువారం కర్నూలు కలెక్టరేట్లో ఆయన విలేకరులతో మాట్లాడారు. విద్యార్థి ప్రగతి తెలుసుకోవడానికి, పాఠశాలల్లో మౌలిక సదుపాయాల అభివృద్ధి, నాణ్యమైన విద్య అందించడానికి ఈ సమావేశం ఉపయోగపడుతుందని తెలిపారు. తల్లిదండ్రులు, టీచర్లు, విద్యార్థులకు మధ్య మంచి సంబంధాలు నెలకొనేందుకు ఉపయోగపడతాయన్నారు.
News December 6, 2024
అనుమానాస్పద స్థితిలో తల్లీ, కూతురి మృతి
హోళగుంద మండలం హెబ్బటంలో గురువారం సాయంత్రం తల్లీ, కూతురు అనుమానాస్పద స్థితిలో మృతించెందారు. కంబదహాల్‌కు చెందిన సకరప్పకు, ఇంగళదహల్‌కు చెందిన సలీమా(21)కు నాలుగేళ్ల క్రితం వివాహమైంది. ఉపాధి కోసం రెండేళ్ల క్రితం హెబ్బటం వచ్చారు. వీరికి మూడేళ్ల కూతురు సమీరా ఉంది. గురువారం భార్యభర్తల మధ్య గొడవ జరిగిందని, నీ కూతురు, మనవరాలు చనిపోయి ఉన్నారని పక్కింటి వారు తమకు ఫోన్ చేసి చెప్పారని మృతురాలి తల్లి తెలిపారు.