News November 19, 2024

కర్నూలు: ‘రూ.100 కోసం ప్రాణం తీశాడు’

రూ.100 కోసం వ్యక్తిని చంపిన ఘటన కర్నూలులో సోమవారం జరిగింది. పోలీసుల వివరాలు.. మమతానగర్‌‌కు చెందిన కృపానందం(27), రోజావీధికి చెందిన అజీజ్‌ ఇద్దరూ కల్లు తాగేచోట ఫ్రెండ్స్ అయ్యారు. సోమవారం కల్లు తాగి సంకల్‌బాగ్‌లోని ఓస్కూలు వద్ద బొమ్మ, బొరుసు ఆట ఆడారు. కృపానందం రూ.100 గెలుచుకోవడంతో తన డబ్బులు తిరిగి ఇచ్చేయాలని అజీజ్ గొడవ పడ్డాడు. ఈ క్రమంలో కృపానందం తలపై అజీజ్ రాయితో కొట్టడంతో అక్కడికక్కడే మృతిచెందాడు.