News February 2, 2025
కలిగోటలో అప్పుల బాధతో రైతు ఆత్మహత్య
జగిత్యాల జిల్లా కథలాపూర్ మండలం కలిగోట గ్రామానికి చెందిన డిచ్పల్లి పెద్ద గంగారం (48) అనే రైతు అప్పుల బాధతో ఆత్మహత్య చేసుకున్నట్లు పోలీసులు ఆదివారం తెలిపారు. రైతు సాగుతో పాటు గొర్రెల కాపరిగా పనిచేస్తారు. ఆర్థిక ఇబ్బందులు తలెత్తడంతో పెద్ద గంగారాం శనివారం రాత్రి గ్రామశివారులోని అటవీ ప్రాంతంలో చెట్టుకు ఉరివేసుకుని ఆత్మహత్యకు పాల్పడ్డారు. కేసు నమోదు చేసినట్లు ఎస్ఐ నవీన్ కుమార్ పేర్కొన్నారు.
Similar News
News September 19, 2025
ఏలూరులో వ్యభిచార గృహంపై పోలీసుల దాడి
ఏలూరు రూరల్ పరిధిలోని ఓ దాబాలో వ్యభిచారం జరుగుతున్నట్లు సమాచారంతో పోలీసులు గురువారం రాత్రి దాడులు చేశారు. నిర్వహకుడితో పాటు ఇద్దరు విటులను, మరో ఇద్దరి యువతులను అరెస్టు చేశామని SI నాగబాబు చెప్పారు. ఇతర ప్రాంతాల నుంచి యువతులను తీసుకువచ్చి వ్యభిచారం చేయిస్తున్నట్లు గుర్తించి నిర్వహకుడిపై కేసు నమోదు చేశారు.
News September 19, 2025
ఖమ్మం: ఇస్రోకు సత్తుపల్లి ఖనిజాలు..!
సత్తుపల్లిలో అరుదైన ఖనిజాలున్నట్లు ఇస్రో శాస్త్రవేత్తలు గుర్తించారు. అంతరిక్ష పరిశోధన పరికరాల తయారీకి ఉపయోగపడే స్కానియం, స్ట్రాన్షియం, నియోడయోమియం వంటి ఖనిజాల కోసం సింగరేణితో ఇస్రో చేతులు కలిపింది. ఇక్కడ బొగ్గుతోపాటు సిలికా, ఐరన్, బేకాసైట్ ఖనిజాలు కూడా లభ్యమవుతున్నాయి. ఈ సహకారం అంతరిక్ష పరిశోధనలకు ఎంతో ఉపయోగపడుతుందని నిపుణులు అభిప్రాయ పడుతున్నారు. సింగరేణి ఖనిజాల తవ్వకంలోకి ప్రవేశించడం శుభపరిణామం.
News September 19, 2025
అమెరికాలో గొడవ.. పోలీసుల కాల్పుల్లో తెలుగు యువకుడు మృతి
మహబూబ్‌నగర్‌ (TG)కు చెందిన నిజాముద్దీన్ (32) అమెరికా పోలీసుల కాల్పుల్లో మరణించిన ఘటన ఆలస్యంగా వెలుగుచూసింది. MS చేసేందుకు 2016లో USకు వెళ్లిన అతడు జాబ్ లేకపోవడంతో కాలిఫోర్నియాలో స్నేహితులతో కలిసి ఉంటున్నాడు. ‘రూమ్‌మేట్స్ మధ్య గొడవ జరుగుతోందని SEP 3న కాల్ వచ్చింది. నిజాముద్దీన్ ఒకరిపై కత్తితో దాడి చేస్తున్నాడు. కంట్రోల్ చేసేందుకు కాల్పులు జరిపాం. గాయాలతో అతడు మరణించాడు’ అని పోలీసులు తెలిపారు.