News March 28, 2025
కళకళలాడుతోన్న చార్మినార్
అర్ధరాత్రి చార్మినార్ కళకళలాడుతోంది. రంజాన్ మాసంలో నేడు చివరి శుక్రవారం కావడంతో మక్కా మసీదులో ప్రత్యేక ప్రార్థనల(అల్ విధా జుమ్మా) కోసం ఏర్పాట్లు చేశారు. పండుగకు మరో రెండ్రోజులే సమయం ఉండటంతో జనాలు షాపింగ్ కోసం క్యూకట్టారు. కమాన్ రోడ్, భాగ్యలక్ష్మీ టెంపుల్ రోడ్, లాడ్ బజార్, న్యూ లాడ్ బజార్, రాత్ఖానా గల్లీ, మోతీ గల్లీలు కిక్కిరిసిపోయాయి. వాహనాలు పార్కింగ్కు స్థలం దొరకని పరిస్థితి నెలకొంది.
Similar News
News December 20, 2025
HYD: కర్మల కోర్టులో తీర్పే ‘గరుడ పురాణం’
‘గరుడ పురాణం’ ఆది నుంచే పాఠకుడిని ఉలిక్కిపడేలా చేసి కఠిన వాస్తవాలను నిస్సంకోచంగా ఆవిష్కరిస్తోంది. క్రూరత్వం, లోభం, పాపప్రవృత్తుల్ని అద్దంలా చూపిస్తూ ఆత్మ- కర్మల మధ్య ఘర్షణను బలంగా చిత్రిస్తోంది. తండ్రి చేసిన కర్మలు అతడితో ముగియవని, సంబంధాల లేమి కొడుకుల జీవితాల్లోనూ కొనసాగుతుందని తెలుపుతోంది. వినోదం కంటే హెచ్చరికకే ప్రాధాన్యం ఇచ్చే ఈ రచన, పాఠకుడిని ఆత్మపరిశీలన వైపు నడిపిస్తోంది.
<<18569096>>#బుక్ ఫెయిర్<<>>
News December 20, 2025
HYDలో డేంజర్ లెవెల్కు ఎయిర్ క్వాలిటీ
HYDలో ఎయిర్ క్వాలిటీ డేంజర్ లెవెల్కి చేరుకుంటోంది. చలికాలం పొగమంచు, చెత్తాచెదారం, వాహనాల నుంచి వెలువడే పొగతో కాలుష్యం పెరుగుతోంది. డబుల్ డిజిట్లో ఉండాల్సిన ఎయిర్ క్వాలిటీ 198కి చేరింది. శ్వాసకోస వ్యాధులు, సైనసైటిస్, డస్ట్ అలర్జీ ఉన్నవారు వీలైనంత వరకు మాస్కులు ధరించడం మేలు అని డాక్టర్లు సూచిస్తున్నారు. బాలానగర్, సనత్నగర్, జీడిమెట్ల, మల్లాపూర్లో ఈ సమస్య ఎక్కువగా ఉంది.
SHARE IT
News December 20, 2025
HYD: సూర్యుడొచ్చినా చుక్కలు చూపిస్తున్న చలి
HYD శివారు ప్రాంతాల్లో చలి పంజా విసురుతోంది. సూర్యుడు ఉదయించినా కనిష్ఠ ఉష్ణోగ్రతలే నమోదవుతుండటంతో జనజీవనం గడ్డకట్టుతోంది. పాఠశాలలకు వెళ్లే విద్యార్థులు, ఉద్యోగులు చలితో గజగజ వణుకుతున్నారు. ఉ.9 దాటినా స్వెటర్లు, క్యాపులతోనే ప్రజలు కనిపిస్తున్నారు. ద్విచక్ర వాహనదారులు చలిగాలులకు తట్టుకోలేక తీవ్ర ఇబ్బందులు పడుతున్నారు. ఈసారి చలి తీవ్రత అసాధారణమని ప్రజలు వాపోతున్నారు. మీ ఏరియాలో చలి ఎలా ఉంది?