News March 16, 2025
కాకినాడ జిల్లా స్పెషల్ ఆఫీసర్‌గా వీరపాండ్యన్
ప్రతి జిల్లాకు ప్రభుత్వం ఓ ప్రత్యేక అధికారిని నియమించింది. కాకినాడ జిల్లా స్పెషల్ ఆఫీసర్‌గా ఆరోగ్య కుటుంబ సంక్షేమ శాఖ కమిషనర్ జి. వీరపాండ్యన్‌ను నియమించింది. గతంలో పౌరసరఫరాల శాఖ కమిషనర్‌గా పనిచేసిన కాలంలో, ఆయన కాకినాడలో విస్తృతంగా పర్యటించారు. జిల్లాతో ఆయనకు విస్తృత పరిచయాలు ఉన్నాయి. ఈ నేపథ్యంలో ఆయన మొదటిసారిగా ప్రత్యేక అధికారి హోదాలో జిల్లాకు వచ్చి పలు కార్యక్రమాలు నిర్వహించారు.
Similar News
News April 21, 2025
శ్రీకాకుళం: కలెక్టర్ గ్రీవెన్స్‌కు 154 వినతులు
ప్రజా సమస్యల పరిష్కారానికి శ్రీకాకుళం జడ్పీ కార్యాలయం వేదికైంది. సోమవారం జిల్లా రెవెన్యూ అధికారి ఎం. వెంకటేశ్వరరావు ఆధ్వర్యంలో “మీ కోసం” కార్యక్రమం నిర్వహించారు. ప్రత్యేక ఉప కలెక్టర్ పద్మావతి, జిల్లా పరిషత్ సీఈవో శ్రీధర్ రాజా తదితర అధికారులు పాల్గొన్నారు. ప్రజల నుంచి మొత్తం 154 దరఖాస్తులు స్వీకరించారు. వాటిలో కొన్నింటిని అక్కడికక్కడే పరిష్కరించారు.
News April 21, 2025
కొడాలి నాని హెల్త్ అప్డేట్
AP: గుండె సంబంధిత ఆపరేషన్ చేయించుకున్న వైసీపీ మాజీ మంత్రి కొడాలి నాని ప్రస్తుతం కోలుకుంటున్నట్లు ఆయన కుటుంబసభ్యులు తెలిపారు. కొద్దిరోజుల క్రితం ముంబైలోని ప్రైవేటు ఆసుపత్రిలో ఆయనకు హార్ట్ సర్జరీ జరగగా అనంతరం హైదరాబాద్‌లోని ఆసుపత్రికి తరలించినట్లు వెల్లడించారు. త్వరలోనే ప్రజల ముందుకు వస్తారని సన్నిహితులు చెబుతున్నారు.
News April 21, 2025
రాహుల్ ద్వంద్వ పౌరసత్వం కేసు.. కేంద్రానికి హైకోర్టు కీలక ఆదేశాలు
కాంగ్రెస్ అగ్రనేత రాహుల్ గాంధీ ద్వంద్వ పౌరసత్వం కేసులో కేంద్ర హోంశాఖకు అలహాబాద్ హైకోర్టు కీలక ఆదేశాలు జారీ చేసింది. 10 రోజుల్లో ఆయన పౌరసత్వంపై తుది నివేదిక ఇవ్వాలని ఆదేశించింది. ఈ కేసులో తదుపరి విచారణను వచ్చే నెల 5కు వాయిదా వేసింది. ఆయనకు బ్రిటిష్ పౌరసత్వం కూడా ఉందని, దీంతో భారత్‌లో ఎన్నికల్లో పోటీ చేసే అర్హత లేదని పిటిషనర్ హైకోర్టును ఆశ్రయించారు.