News July 21, 2024

కామవరపుకోట: తండ్రిని హత్యచేసిన కొడుకు

కామవరపుకోట మండలం తడకలపూడి పంచాయతీ వేంపాడుకు చెందిన నాగబోయిన శ్రీనివాసరావు(50), కుమారుడు కార్తిక్‌తో కలిసి కూలి పనులు చేసుకుంటూ జీవనం సాగిస్తున్నారు. తండ్రి పేరిట ఉన్న రెండెకరాల పొలం అమ్మి.. తనకు సొమ్ము ఇవ్వాలని కార్తిక్ తరచూ గొడవ పడుతుండేవాడు. శనివారం ఇద్దరూ మరోమారు గొడవ పడ్డారు. అప్పటికే మద్యం మత్తులో ఉన్న కొడుకు నేల పీటతో తండ్రి తలపై బలంగా కొట్టడంతో అక్కడికక్కడే మరణించాడు. కేసు నమోదైంది.