News November 30, 2024
కామారెడ్డి: కోటి దీపోత్సవంలో పాల్గొన్న ప్రముఖ శాస్త్రవేత్త
పట్టణకేంద్రంలోని దేవివిహార్‌లో కార్తీక మాసం చివరి శుక్రవారం నిర్వహించిన కోటిదీపోత్సవ కార్యక్రమంలో ప్రముఖ శాస్త్రవేత్త పైడి ఎల్లారెడ్డి, మున్సిపల్ ఛైర్ పర్సన్ గడ్డం ఇందుప్రియ పాల్గొన్నారు. అశేష జన సందోహంలో కార్తీక మాస పవిత్రతను సృష్టించేలా కోటి దీపోత్సవాన్ని నిర్వహించడం చాలా సంతోషంగా ఉందన్నారు. ఆయన్ను నిర్వాహకులు శాలువాతో ఘనంగా సత్కరించారు.
Similar News
News December 8, 2024
NZB: గొంతు కోసి హత్య చేసిన దుండగులు
ఓ వ్యక్తిని గొంతు కోసి హత్య చేసిన ఘటన నిజామాబాద్‌లో చోటుచేసుకుంది. స్థానిక మిర్చి కాంపౌండ్‌లోని ఓ ట్రాన్స్ పోర్ట్ షాపు వద్ద నిద్రిస్తున్న ఓ వ్యక్తిని గుర్తు తెలియని దుండగులు గొంతు కోసి హతమార్చారు. ఆదివారం ఉదయం షాపు యజమాని పోలీసులకు సమాచారం అందించడంతో 1 టౌన్ సీఐ రఘుపతి ఘటనా స్థలాన్ని పరిశీలించారు. డాగ్ స్క్వాడ్, క్లూస్ టీమ్‌తో ఆధారాలు సేకరిస్తున్నట్లు తెలిపారు.
News December 8, 2024
NZB: ముగ్గురు బిడ్డలను అమ్మేసిన కసాయి తల్లి
కన్నతల్లే ముగ్గురు బిడ్డలను అమ్మేసిన ఘటన ఆర్మూర్‌లో ఆలస్యంగా వెలుగుచూసింది. SHO సత్యనారాయణ వివరాలు.. మామిడిపల్లికి చెందిన భాగ్యలక్ష్యి భర్త చనిపోయాడు. దీంతో ఆమె ఇంకో పెళ్లి చేసుకొని ఇద్దరు పిల్లలను కన్నది. కాగా మొదటి భర్తకు పుట్టిన ఏడేళ్ల బాబు, ఇద్దరు మగ కవల పిల్లలను రూ.4లక్షలకు ముగ్గురు వ్యక్తులకు విక్రయించింది. విషయం తెలుసుకున్న పోలీసులు ఆమెతో పాటు పిల్లలను కొన్న ముగ్గురిపై కేసు నమోదు చేశారు.
News December 8, 2024
పిట్లం: వివాహిత ఆత్మహత్య.. కారణమిదే..!
పిట్లం మండలం ఖంబాపూర్ గ్రామంలో వివాహిత ఆత్మహత్య చేసుకున్న విషయం తెలిసిందే. ఎస్సై రాజు వివరాలిలా.. ఖంబాపూర్ గ్రామానికి చెందిన ఎర్ర మీనా (25) తన భర్త అయిన సాయిలుతో శుక్రవారం రాత్రి కుటుంబ సమస్యల విషయంలో గొడవ జరిగింది. మనస్తాపం చెందిన ఆమె శనివారం ఇంట్లో ఉరేసుకొని బలవన్మరణానికి పాల్పడింది. మృతురాలి తల్లి అంజవ్వ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్ఐ వివరించారు.