News January 23, 2025
కామారెడ్డి: షబ్బీర్ అలీని కలిసిన ప్రైవేటు డిగ్రీ కళాశాలల యాజమాన్యం
రాష్ట్ర ప్రభుత్వ సలహాదారు షబ్బీర్ అలీని కామారెడ్డి పట్టణంలోని ప్రైవేటు డిగ్రీ కళాశాలల యాజమాన్య బృందం గురువారం కలిసింది. డిగ్రీ కళాశాలలకు ప్రభుత్వం పెండింగ్లో ఉన్న బోధన రుసుములను త్వరగా విడుదల చేయాలని కోరారు. దీనిపై షబ్బీర్ అలీ స్పందిస్తూ వీలైనంత త్వరలో పెండింగ్లో ఉన్న బోధన రుసుములను చెల్లించే విధంగా చర్యలు తీసుకుంటామని హామీ ఇచ్చారు. అనంతరం ఆయనకు వినతిపత్రం అందజేశారు.
Similar News
News April 11, 2026
ఇంటి వద్దే ఎఫ్ఐఆర్ నమోదు: వికారాబాద్ ఎస్పీ
ప్రజలకు మరింత సౌలభ్యం కల్పించేందుకు “ఇంటి వద్దే FIR నమోదు” విధానాన్ని అమలు చేస్తున్నట్లు SP స్నేహ మెహ్ర తెలిపారు. ఈ విధానం ద్వారా బాధితులు PSకు రావాల్సిన అవసరం లేకుండా, ఫోన్ ద్వారా సమాచారం అందించిన వెంటనే పోలీసులు బాధితుల నివాసానికి లేదా వారికి అనుకూలమైన ప్రదేశానికి వెళ్లి ఫిర్యాదును స్వీకరిస్తారన్నారు. మహిళలు, పిల్లల కేసుల్లో మహిళా పోలీసు అధికారిని తప్పనిసరిగా పంపిస్తారని చెప్పారు.
News April 11, 2026
KNR: బీఆర్ఎస్ పెద్దలది.. టీడీపీ బడే..!
ప్రస్తుతం ఉమ్మడి KNR జిల్లాలో BRS అగ్ర నాయకులైన కొప్పుల, గంగుల, జీవన్, రమణ, విద్యాసాగర్లు టీడీపీలో ఓనమాలు నేర్చినవారే. కొప్పుల 1994లో టీడీపీ టికెట్పై MLAగా పోటీ చేశారు. గంగుల సైకిల్ నుంచి కారెక్కారు. జీవన్ టీడీపీ మొదటి తరం MLA. రమణ టీడీపీ పార్టీకి రాష్ట్ర అధ్యక్షుడిగా ఉండి, కారెక్కారు. విద్యాసాగర్ ముందు TDP నుంచే MLAగా పోటీచేశారు. దీంతో BRS పెద్దలందరిది టీడీపీ ‘బడే’ అని చర్చించుకుంటున్నారు.
News April 11, 2026
రిస్కీ రీఎంట్రీ: 40,000kmph వేగం.. 2,760°C టెంపరేచర్
ఆర్టెమిస్-2 మిషన్లో రీఎంట్రీ అత్యంత రిస్కీ పార్ట్. 40,000kmph స్పీడ్తో భూవాతావరణంలోకి క్యాప్సూల్ దూసుకొచ్చింది. అప్పుడు పుట్టిన 2,760°C వేడికి ఓరియన్ క్యాప్సూల్ చుట్టూ ఎర్రటి ప్లాస్మా సెగలు కమ్మేశాయి. అప్పుడే 6 నిమిషాలు కమ్యూనికేషన్ కట్ అవ్వడంతో హ్యూస్టన్ కంట్రోల్ రూమ్లో టెన్షన్ పీక్స్కు చేరింది. హీట్ షీల్డ్ ప్రాణాలు కాపాడగా పారాచూట్లు విచ్చుకుని వ్యోమగాములు సేఫ్గా దిగడంతో రిలీఫ్ అయ్యారు.