News February 26, 2026
కామారెడ్డి: స్పోర్ట్స్ స్కూల్ ప్రవేశాలకు దరఖాస్తుల ఆహ్వానం
హకీంపేట్ ప్రభుత్వ స్పోర్ట్స్ స్కూల్లో 2026-27 విద్యా సంవత్సరానికి 4వ తరగతిలో ప్రవేశాల కోసం ఉమ్మడి NZB జిల్లా స్థాయి ఎంపిక పోటీలు నిర్వహించనున్నట్లు జిల్లా యువజన క్రీడల అధికారి రంగా వెంకటేశ్వర్ గౌడ్ తెలిపారు. 20 సీట్లు (10 బాలురు, 10 బాలికలు) అందుబాటులో ఉన్నాయన్నారు. ఆసక్తి గల విద్యార్థులు https://tgss.telangana.gov.in/ ద్వారా FEB 26 నుంచి MAR 4 వరకు పేర్లు నమోదు చేసుకోవాలన్నారు.
Similar News
News April 14, 2026
ఖమ్మం: నిర్మాణ కూలీ రేట్లపై త్వరలోనే తుది నిర్ణయం
ఖమ్మం జిల్లాలో నిర్మాణ రంగ కార్మికుల కూలీ రేట్ల పెంపుపై ఇంకా ఎటువంటి తుది నిర్ణయం తీసుకోలేదని కార్మిక శాఖ డిప్యూటీ కమిషనర్ విజయభాస్కర్ రెడ్డి స్పష్టం చేశారు. సోమవారం బిల్డర్స్ అసోసియేషన్, కార్మిక సంఘాలతో ప్రాథమికంగా చర్చించామని, అధికారికంగా ధరలు ఖరారు కాలేదని తెలిపారు. త్వరలోనే మరోసారి కార్మిక సంఘాల నేతలతో భేటీ నిర్వహించి, అందరి ఏకాభిప్రాయం మేరకు కొత్త రేట్లను ప్రకటిస్తామని ఆయన వెల్లడించారు.
News April 14, 2026
ప్రభుత్వ అభివృద్ధిని ఇంటింటికీ వివరించండి: పొంగులేటి
కాంగ్రెస్ ప్రభుత్వం చేపడుతున్న కొండంత అభివృద్ధిని కార్యకర్తలు ప్రతి ఇంటికీ తీసుకెళ్లాలని మంత్రి పొంగులేటి శ్రీనివాస రెడ్డి పిలుపునిచ్చారు. ఖమ్మం కాంగ్రెస్ కార్యాలయంలో నూతన కార్యవర్గ ప్రమాణ స్వీకార కార్యక్రమానికి ఆయన హాజరై, మాట్లాడారు. ఆర్థిక ఇబ్బందులు ఎదురవుతున్నా ప్రజలకు ఇచ్చిన ప్రతి హామీని నిలబెట్టుకుంటామని స్పష్టం చేశారు. అధికారం కోల్పోయిన విపక్ష నేతలు అనవసర విమర్శలు చేస్తున్నారని మండిపడ్డారు.
News April 14, 2026
మరోసారి తెలుగు సినిమాలో ఆలియా?
అందంతో పాటు విలక్షణమైన నటనతో సినీ ప్రేక్షకుల్లో ప్రత్యేక స్థానాన్ని సంపాదించుకున్నారు ఆలియా భట్. ఆమె తెలుగులో ఇప్పటివరకు ఒక్క సినిమాలోనే(RRR) నటించారు. త్వరలోనే మరో మూవీలో నటించనున్నట్లు తెలుస్తోంది. NTR-NEEL మూవీలో ఓ కీలక పాత్రలో నటించేందుకు ఆమె ఓకే చెప్పినట్లు సమాచారం. దీనిపై త్వరలో అధికారిక ప్రకటన రానుందని సినీ వర్గాలు తెలిపాయి. ఆలియా ప్రస్తుతం ‘ఆల్ఫా’, ‘లవ్&వార్’ సినిమాల్లో నటిస్తున్నారు.