News April 16, 2025
కార్పొరేట్ తరహా వైద్య సేవలు: MLA వీరేశం
పేదలకు ఎలాంటి ఇబ్బంది లేకుండా ఉన్నత ప్రమాణాలతో కూడిన మెరుగైన వైద్యం అందించడమే ప్రధాన ధ్యేయమని MLA వీరేశం అన్నారు. నకిరేకల్‌లో నూతనంగా నిర్మిస్తున్న 100 పడకల ఆస్పత్రిని పనులను పరిశీలించారు. 95% నిర్మాణ పనులు పూర్తయ్యాయని, 5 ఆపరేషన్ థియేటర్‌లు అందుబాటులో ఉన్నాయన్నారు. కార్పొరేట్ వైద్యం తరహాలో ఇక్కడ వైద్య సేవలు అందుబాటులోకి రాబోతున్నాయని, ఆసుపత్రిని సీఎం చేతుల మీదుగా ప్రారంభిస్తామని వెల్లడించారు.
Similar News
News November 29, 2025
రేసింగ్‌లో రాణిస్తున్న అతిక మీర్‌
భారత రేసింగ్‌ సంచలనం అతిక మీర్‌ అంతర్జాతీయంగా రికార్డులు సృష్టిస్తోంది. శ్రీనగర్‌కు చెందిన పదేళ్ల అతిక UAEలో కార్టింగ్‌ ఛాంపియన్‌షిప్‌ గెలిచిన భారత తొలి మహిళా రేసర్‌గా చరిత్ర సృష్టించింది. F1 అకాడమీతో ఒప్పందం చేసుకున్న మొదటి ఆసియా మహిళా రేసర్‌గానూ నిలిచింది. 2024లో ఇటలీలో రొటాక్స్‌ యూరో ఛాంపియన్‌షిప్‌, ఈ ఏడాది ఫ్రాన్స్‌లో రొటాక్స్‌ టోర్నీలోనూ మైక్రోమ్యాక్స్‌ కేటగిరిలో ట్రోఫీ కైవసం చేసుకుంది.
News November 29, 2025
నల్గొండ: యాసంగికి సంసిద్ధం..!
నల్గొండ జిల్లాలో రైతులు యాసంగిలో పంటల సాగు కోసం సన్నద్ధమవుతున్నారు. ఓ వైపు వానాకాలం ధాన్యం అమ్మకాలు, మరోవైపు యాసంగి సాగుకు పొలం దున్నకం, వరి నార్లు పోసుకునే పనుల్లో అన్నదాతలు బిజీబిజీగా ఉన్నారు. జిల్లా వ్యాప్తంగా యాసంగిలో 6,57,229 ఎకరాల్లో పంటలు సాగవుతాయని వ్యవసాయ శాఖ అంచనా వేసింది. అందుకు తగ్గట్టుగా ఎరువులు, విత్తనాలను సిద్ధం చేసినట్లు జిల్లా వ్యవసాయ శాఖ అధికారి శ్రవణ్ కుమార్ తెలిపారు.
News November 29, 2025
నల్గొండ: తెలంగాణలో అతి చిన్న పంచాయతీ ఇదే!
నల్గొండ జిల్లా త్రిపురారం(M) బృందావనపురం రాష్ట్రంలోనే చిన్న గ్రామ పంచాయతీగా కొనసాగుతోంది. గతంలో పెద్దదేవులపల్లి GP పరిధిలో 2 వార్డుల్లో ఉన్న బృందావనపురం 1978లో గ్రామ పంచాయతీగా ఏర్పడింది. అప్పట్లో సుమారు 70కి పైగా ఓట్లు ఉండగా ప్రస్తుతం గ్రామంలో 98 మంది ఓటర్లు ఉన్నారు. వీరిలో పురుషులు 42, మహిళలు 56 మంది ఉన్నారు. ఈగ్రామస్థులు చాలా మంది MLG, NLG తదితర పట్టణాల్లో స్థిరపడినా అక్కడే ఓటర్లుగా ఉంటున్నారు.