News March 18, 2025
కాసిపేట: సైకిల్‌పై నుంచి పడి ఒకరి మృతి
సైకిల్ పైనుంచి పడి ఒకరు మృతి చెందినట్లు కాసిపేట SI ప్రవీణ్ కుమార్ తెలిపారు. SI కథనం ప్రకారం.. హాజీపూర్ మండలానికి చెందిన రాజయ్య(65) కాసిపేటలోని కుమారుడి ఇంటికి వచ్చాడు. రాజయ్య సైకిల్‌పై తన స్నేహితుడి ఇంటికి వెళ్లి తిరిగి రాలేదు. అతడి కోసం వెతకగా మద్దిమాడ వద్ద పడి ఉన్నాడు. ఆసుపత్రికి తీసుకువెళ్లగా వైద్యులు పరీక్షించి అప్పటికే చనిపోయినట్లు నిర్ధారించారన్నారు. కొడుకు మల్లేశ్ ఫిర్యాదుతో కేసు నమోదైంది.
Similar News
News November 30, 2025
నేటి నుంచి రెండో విడత నామినేషన్లు
TG: పంచాయతీ ఎన్నికల రెండో విడత నామినేషన్లు స్వీకరణ ఇవాళ్టి నుంచి ప్రారంభం కానుంది. 4,333 పంచాయతీలు, 38,350 వార్డులకు నేడు నోటిఫికేషన్ వెలువడనుంది. మరుక్షణం నుంచే నామినేషన్లు దాఖలు చేయొచ్చు. డిసెంబర్ 2 వరకు నామపత్రాల స్వీకరణ, 3న పరిశీలన, 5న స్క్రూటినీ ఉంటుంది. 6న నామినేషన్ల ఉపసంహరణ అదే రోజు అభ్యర్థుల లిస్టును వెల్లడిస్తారు. 14న పోలింగ్ అదే రోజు ఫలితాలు ప్రకటిస్తారు.
News November 30, 2025
రంగారెడ్డి: అన్నా.. ఏమైనా డబ్బులు ఉన్నాయా!
రంగారెడ్డి జిల్లాలోని 526 గ్రామ పంచాయతీలకు ఎన్నికలు జరగనున్నాయి. అయితే ఇందుకోసం వ్యవసాయ భూమి, ప్లాట్లను రిజిస్ట్రేషన్ చేసేందుకు ముందుకు వస్తున్నారు. వచ్చేనెలలో ఎన్నికలు నిర్వహించేందుకు ఈసీ నిర్ణయించిన నేపథ్యంలో నగదు సమకూర్చుకునే పనిలో బిజీగా ఉన్నారు. కాగా, అన్నా.. సర్పంచ్ రిజర్వేషన్ కలిసొచ్చింది.. ఏమైనా డబ్బులు ఉన్నాయా..! నేను గెలిస్తే నీవు గెలిచినట్టే అని పంచాయతీ పోటీదారులు అప్పులు చేస్తున్నారు.
News November 30, 2025
20 ప్రముఖ కంపెనీల్లో ఉద్యోగాలు: మంత్రి భరత్
కర్నూల్ కేవీఆర్ ప్రభుత్వ డిగ్రీ కళాశాలలో వచ్చే నెల 8న జాబ్ మేళా నిర్వహించనున్నట్లు మంత్రి టీజీ భరత్ తెలిపారు. పదో తరగతి నుంచి డిగ్రీ వరకు చదివిన నిరుద్యోగులు (18-35 ఏళ్లు) జాబ్ మేళాలో పాల్గొనవచ్చన్నారు. 20 కంటే ఎక్కువ ప్రముఖ కంపెనీల ప్రతినిధులు హాజరవుతారని స్కిల్ అభివృద్ధి అధికారి ఆనంద్ రాజ్ కుమార్ తెలిపారు. అనంతరం జాబ్ మేళాకు సంబంధించిన కరపత్రాలను శనివారం విడుదల చేశారు.