News January 11, 2026
కుమారుడి డ్రగ్స్ కేసు.. తొలిసారి స్పందించిన MLA ఆది
తన కుమారుడు డ్రగ్స్ కేసుపై MLA ఆదినారాయణరెడ్డి తొలిసారి ఓ ఇంటర్వ్యూలో స్పందించారు. ‘సుధీర్ లండన్లో MBA చేశాడు. అక్కడి కల్చర్ ఇండియాలో వద్దని చెప్పా. నా మాట వినలేదు. పోలీసుల పరీక్షలో పాజిటివ్ వచ్చింది. ఈ కేసులో 100% రాజకీయ కోణం ఉంది. విక్టింను పట్టుకుని నన్ను విక్టిం చేయాలని చాలా మంది దుష్ర్పచారానికి దిగారు. అయినా నా వెంట్రుక కూడా పీకలేరు’ అంటూ ఘాటుగా స్పందించారు.
Similar News
News January 23, 2026
వర్సిటీల నిధులు, నియామకాలపై PUC ఛైర్మన్ సమీక్ష
రాష్ట్రంలో ఉన్నత విద్యారంగాన్ని బలోపేతం చేయడమే కూటమి ప్రభుత్వ ప్రధాన లక్ష్యమని PUC ఛైర్మన్ కూన రవికుమార్ తెలిపారు. శుక్రవారం శ్రీకాకుళం కలెక్టర్ కార్యాలయంలో అంబేడ్కర్ యూనివర్సిటీ, JNTU విజయనగరం, IIIT శ్రీకాకుళం యూనివర్సిటీల నిధుల వినియోగం, నియామకాలు, ఆదాయ-వ్యయాలు, పరిపాలనా పనితీరుపై సమీక్షించారు. ప్రభుత్వం కేటాయిస్తున్న నిధులు పూర్తిగా విద్యార్థుల మేలు కోసం వినియోగించాలన్నారు.
News January 23, 2026
ఈనెల 25 నుంచి మేడారానికి ప్రత్యేక బస్సులు!
మేడారం మహాజాతర భక్తుల కోసం ఈనెల 25 నుంచి ఫిబ్రవరి 1 వరకు 290 ప్రత్యేక బస్సులు నడపనున్నట్లు హనుమకొండ డీఎం ధాంసింగ్ తెలిపారు. వరంగల్ తాత్కాలిక బస్ పాయింట్ నుంచి ఇవి అందుబాటులో ఉంటాయి. టికెట్ ధర పెద్దలకు రూ.250, పిల్లలకు రూ.150 కాగా, మహిళలకు ఉచిత ప్రయాణం కల్పించారు. అలాగే, అగ్రహంపాడు జాతరకు కూరగాయల మార్కెట్ నుంచి ప్రత్యేక సర్వీసులు నడపనున్నారు.
News January 23, 2026
భూమనపై రమణ విమర్శలు
విజయసాయిరెడ్డి నమ్మినవారికి వెన్నుపోటు పొడవడంలో సిద్ధహస్తుడని, దేశంలోనే అతిపెద్ద అవినీతిపరుడని టీటీడీ మాజీ సభ్యుడు ఓ.వి.రమణ ఆరోపించారు. తిరుపతిలో ఆయన మాట్లాడుతూ.. భూమన కరుణాకర్ రెడ్డి కరుణానంద స్వామిలా మారి శ్రీవారిని అడ్డుపెట్టుకుని రాజకీయం చేస్తున్నారని విమర్శించారు. విజయసాయిరెడ్డి YCPకి రాజీనామా చేయడం జగన్ ఆడుతున్న డ్రామా అని, BJPలో చేరి కూటమిని విచ్ఛిన్నం చేయడమే ఆయన లక్ష్యమని పేర్కొన్నారు.