News March 17, 2025
కూల్ డ్రింక్ అనుకొని పురుగు మందు తాగి వృద్ధురాలి మృతి..!
కూల్‌డ్రింక్ అనుకొని పురుగు మందు తాగి వృద్ధురాలు మృతిచెందిన ఘటన ముస్తాబాద్ మండలంలో చోటుచేసుకుంది. పోతుగల్‌కు చెందిన బాలవ్వ (85) శనివారం ఇంట్లోని పురుగు మందును డ్రింక్ అనుకొని తాగి అస్వస్థతకు గురైంది. కుటుంబీకులు ఆమెను సిద్దిపేటలోని ఓ ప్రైవేట్ ఆసుపత్రికి తరలించారు. పరిస్థితి విషమించడంతో అదేరోజు రాత్రి మరణించింది. కాగా, 25 రోజుల క్రితమే బాలవ్వ కొడుకు దేవయ్య పురుగు మందు తాగి ఆత్మహత్య చేసుకున్నాడు.
Similar News
News November 18, 2025
చలికి చర్మం పగులుతుందా?
చలి పెరగడంతో శరీరం పగిలి ఇబ్బందిపడుతున్నారు. అలాంటి వారు ఇంట్లోనే చిట్కాలు పాటించి చర్మాన్ని కాపాడుకోవచ్చని నిపుణులు చెబుతున్నారు. ‘రోజుకు కనీసం రెండుసార్లు స్నానం చేసిన వెంటనే & పడుకునే ముందు మందపాటి, ఆయిల్ ఆధారిత మాయిశ్చరైజర్ లేదా కొబ్బరి నూనె రాయండి. చలికాలంలో కూడా రోజుకు కనీసం 8 గ్లాసుల నీరు తాగితే చర్మాన్ని లోపలి నుంచి హైడ్రేట్‌గా ఉంచవచ్చు. గోరువెచ్చని నీటితో స్నానం చేయండి’ అని తెలిపారు.
News November 18, 2025
పాడి పశువులకు మేత, దాణా ఇలా అందిస్తే మంచిది(1/2)
పాడి పశువులకు వరిగడ్డి, చొప్పలాంటి ఎండు మేతతో పాటు తప్పనిసరిగా పచ్చిమేత ఉండాలి. పశువు శరీర బరువు, పాల మోతాదును అనుసరించి మేత అందిస్తే దాని పాల ఉత్పత్తి పెరుగుతుంది. పాడి పశువు ప్రతి 45 కిలోల శరీర బరువుకు 1-1.5 కిలోల ఎండు మేత, 3-5 కిలోల పచ్చిమేత తింటుంది. నాలుగు లీటర్ల లోపు పాలిచ్చే పశువులకు సాధారణంగా 4-5 కిలోల ఎండుగడ్డి, 1-1.5 కిలోల దాణా మిశ్రమం సరిపోతుంది. ఎక్కువగా ఇచ్చి వృథా చేయకూడదు.
News November 18, 2025
పాడి పశువులకు మేత, దాణా ఇలా అందిస్తే మంచిది(2/2)
5 లీటర్ల కంటే ఎక్కువ పాలిచ్చే ఆవులకు.. అదనంగా ఇచ్చే ప్రతి 3 లీటర్ల పాలకు ఒక కిలో చొప్పున దాణా ఎక్కువగా ఇవ్వాలి. అదే విధంగా 5 లీటర్ల కంటే ఎక్కువ పాలిచ్చే గేదెలకు.. అదనంగా వచ్చే ప్రతి 2.5 లీటర్ల పాల ఉత్పత్తికి ఒక కిలో చొప్పున దాణా ఎక్కువగా ఇవ్వాలి. పశువుకు కావలసిన దాణాను 2 సమాన భాగాలుగా చేసి ఉదయం, సాయంత్రం పాలు పితికే సమయానికి అరగంట ముందు అందివ్వాలి. ఈ విధంగా పశువుల అవసరాన్నిబట్టి మేత అందించాలి.