News May 11, 2024
కృష్ణా: అభ్యర్థుల ప్రచారానికి సమయం ముగుస్తోంది

గత నెల రోజులుగా వివిధ పార్టీల అభ్యర్థులు పోటాపోటీగా ప్రచార పర్వాన్ని నిర్వహించిన విషయం తెలిసిందే. ఎన్నికల సంఘం ఆదేశాల మేరకు మాత్రమే ప్రచారం నిర్వహించాల్సి ఉంది. ఈసీ ఆదేశాల ప్రకారం ప్రకారం.. నేటి సాయంత్రం 5 గంటలకే అభ్యర్థులు తమ, తమ ప్రచార పర్వాన్ని ముగించాలన్నారు. అందుకు సమయం ఆసన్నమైందని తెలిపారు. సమయానికి మించి ప్రచారం చేస్తే ఎన్నికల సంఘం తీసుకునే చర్యలకు అభ్యర్థులు బాధ్యులవుతారని హెచ్చరించారు.
Similar News
News February 16, 2025
తోట్లవల్లూరు: రోడ్డు ప్రమాదంలో వ్యక్తి మృతి

తోట్లవల్లూరు మండలం యాకమూరు రైస్ మిల్లు వద్ద రోడ్డు ప్రమాదంలో వ్యక్తి మృతి చెందిన ఘటన చోటు చేసుకుంది. పోలీసులు తెలిపిన వివరాల ప్రకారం డ్యూటీ ముగించుకొని బైక్పై వస్తున్న ఆర్టీసీ కండక్టర్ చీకుర్తి సురేష్ (47) వెనుక వైపు నుంచి ఎడ్ల బండిని ఢీ కొట్టగా అక్కడికక్కడే మృతి చెందాడు. మృతదేహాన్ని ఆసుపత్రికి తరలించామని తెలిపారు. కేసు నమోదు చేసి దర్యాప్తు చేస్తున్నట్లు పేర్కొన్నారు.
News February 16, 2025
కంకిపాడు: వాకింగ్కి వెళ్లిన వ్యక్తి మృతి

అనుమానాస్పద స్థితిలో ఓ వ్యక్తి మృతిచెందిన ఘటన కంకిపాడు పోలీస్ స్టేషన్ పరిధిలో జరిగింది. కంకిపాడు మండలం ప్రొద్దుటూరు శివారు కొనతనపాడులో ఉంటున్న వెంకటస్వామి ఈనెల 14న రాత్రి వాకింగ్కి వెళ్లి తిరిగి రాకపోవడంతో భార్య కొందరితో కలిసి సాయంత్రం వెతకగా రోడ్డు పక్కన చనిపోయి కనిపించాడు. భార్య ఫిర్యాదు మేరకు పోలీసులు కేసు నమోదు చేశారు.
News February 16, 2025
MLC ఎన్నికల్లో సూక్ష్మ పరిశీలకుల పాత్రే కీలకం : DRO

పట్టభద్రుల MLC ఎన్నికల్లో సూక్ష్మ పరిశీలకుల పాత్రే కీలకం అని కృష్ణాజిల్లా సహాయ ఎన్నికల అధికారి, DRO కె చంద్రశేఖరరావు అన్నారు. సూక్ష్మ పరిశీలకులుగా నియమితులైన వారికి శనివారం కలెక్టరేట్లో వారి విధులపై శిక్షణ ఇచ్చారు. ఈ సందర్భంగా DRO మాట్లాడుతూ.. ఎన్నికల కమిషన్ జారీ చేసిన మార్గదర్శకాలను, నిబంధనలను పూర్తిగా చదివి అర్థం చేసుకోవాలన్నారు.