News July 19, 2024

కృష్ణా: బంగారం దోచుకెళ్లిన కేసులో నిందితుడికి జైలు శిక్ష

గుడివాడకు చెందిన బస్సులో ప్రయాణిస్తున్న వృద్ధురాలి వద్ద గోల్డ్ చైన్ దొంగిలించిన కేసులో నిందితుడు వెంకటేశ్వరరావు(37)కు న్యాయస్థానం 3ఏళ్ల జైలు శిక్ష, రూ.1,000 జరిమానా విధించింది. 2022 ఫిబ్రవరిలో ఆమె కోదాడ వెళుతుండగా.. ఆమెతో మాటలు కలిపిన నిందితుడు మత్తుమందు ఇచ్చి బంగారం దోచుకున్నాడు. వృద్ధురాలు కేసు నమోదు చేయగా విజయవాడ పోలీసులు ఛార్జిషీట్ వేయగా, గురువారం కోర్టు తుది తీర్పు ఇచ్చింది.