News November 19, 2024
కెరామెరి: జోడేఘాట్ అడవుల్లో పెద్దపులి
కెరామెరి మండలం జోడేఘాట్ అడవుల్లో పులి సంచరిస్తుందని జిల్లా అటవీ శాఖ అధికారి నీరజ్ కుమార్ మంగళవారం నిర్ధారించారు. గత రెండు రోజుల క్రితం ఉట్నూర్, నార్నూర్ అడవుల్లో పశువులపై దాడి చేస్తూ సంచరిస్తున్న పెద్దపులి జోడేఘాట్ అడవిలో పాదముద్రలను అధికారులు గుర్తించినట్లు ఆయన వెల్లడించారు. కెరామెరి జోడేఘాట్ అడవుల్లో పులి సంచరిస్తున్న నేపథ్యంలో రైతులు జాగ్రత్తగా ఉండాలని అధికారులు ఆదేశాలు జారీ చేశారు.
Similar News
News December 11, 2024
తాండూరు: గడ్డి మందు తాగి నలుగురు ఆత్మహత్య
తాండూరు మండలం కాసిపేటకి చెందిన నలుగురు ఆత్మహత్య చేసుకున్నారు. ఈ ఘటనపై కేసు నమోదు చేసినట్లు SI కిరణ్ కుమార్ వెల్లడించారు. ఆయన వివరాల ప్రకారం.. శివప్రసాద్ అనే వ్యక్తి ఆన్లైన్ ట్రేడింగ్ చేసేవాడు. అందులో నష్టాలు రావడంతో అప్పులు తీర్చలేక తన కుటుంబ సభ్యులు తండ్రి మొండయ్య, తల్లి శ్రీదేవి, అక్క చైతన్యతో కలిసి గడ్డి మందు తాగాడు. వరంగల్ MGMలో చికిత్స పొందుతూ మరణించారని ఎస్సై వివరించారు.
News December 11, 2024
మంచిర్యాల: కుటుంబంలో ముగ్గురు మృతి
కుటుంబం మొత్తం ఆత్మహత్యాయత్నం చేసుకున్న ఘటనలో చికిత్స పొందుతున్న ముగ్గురు బుధవారం ఉదయం మృతి చెందారు. తాండూరు మండలం కాసిపేటకు చెందిన మొండయ్య కుటుంబీకులు పురుగుమందు తాగి ఆత్మహత్యాయత్నం చేసుకున్నారు. జిల్లా ఆసుపత్రిలో చికిత్స పొందుతున్న మొండయ్య, అతడి కుమార్తె చైతన్య(30) ఇవాళ ఉదయం మృతి చెందగా.. కొద్దిసేపటి క్రితమే అతడి భార్య శ్రీదేవి కూడా మృతి చెందింది. కుమారుడు శివప్రసాద్(26) పరిస్థితి విషమంగా ఉంది.
News December 11, 2024
మంచిర్యాల: చికిత్స పొందుతున్న తండ్రి, కుమార్తె మృతి
మంచిర్యాల జిల్లాలో తీవ్ర విషాదం నెలకొంది. తాండూరు మండలం కాసిపేట గ్రామానికి చెందిన ఓ కుటుంబం మంగళవారం పురుగు మందు తాగి <<14839477>>ఆత్మహత్యాయత్నం<<>> చేసుకున్నారు. జిల్లా ఆసుపత్రిలో చికిత్స పొందుతున్న మొండయ్య(60), అతడి కుమార్తె చైతన్య(30) మృతి చెందారు. భార్య శ్రీదేవి(50), కుమారుడు శివ ప్రసాద్(26) పరిస్థితి విషమంగా ఉన్నట్లు డాక్టర్లు తెలిపారు.