News February 2, 2025
కేంద్ర బడ్జెట్‌పై కరీంనగర్ MP ప్రశంసలు
కేంద్ర బడ్జెట్ 2025-26 కేవలం లెక్కల పద్దు మాత్రమే అని, ఇది ప్రధాని మోదీ దార్శనికత, స్వావలంబన, వృద్ధి, శ్రేయస్సుతో కూడిన వికసిత భారత్‌కు ఒక రోడ్ మ్యాప్ అని కరీంనగర్ MP, కేంద్రమంత్రి బండి సంజయ్ అన్నారు. రైతు సంక్షేమం, మధ్యతరగతికి ఉపశమనం, మహిళలు, యువతకు సాధికారత కల్పించడం, స్టార్టప్‌లకు ప్రోత్సాహం వంటివి ఈ బడ్జెట్‌లో చూడవచ్చన్నారు. మౌలిక సదుపాయాల కల్పన, పెట్టుబడులను ప్రోత్సహించారని వివరించారు.
Similar News
News November 30, 2025
భద్రాద్రి: నామినేషన్ కేంద్రాలను పరిశీలించిన పరిశీలకులు
జిల్లాలో జరుగుతున్న గ్రామ పంచాయతీ ఎన్నికల నామినేషన్, స్క్రూటినీ ప్రక్రియల పారదర్శక నిర్వహణను సమీక్షించేందుకు ఎలక్షన్ ఎక్స్‌పెండిచర్ అబ్జర్వర్ లావణ్య పలు మండలాల్లో పర్యటించారు. ఆమె చంద్రుగొండ, రావికంపాడు, దామరాచర్ల, గానుగపాడు పంచాయతీలతో పాటు చుంచుపల్లి, విద్యానగర్ కాలనీ, 3, 4 ఇంక్లైన్ జీపీల్లో నామినేషన్ల స్వీకరణ ప్రక్రియను ప్రత్యక్షంగా పరిశీలించారు. పారదర్శకత పాటించాలని అధికారులకు సూచించారు.
News November 30, 2025
శ్రీకాళహస్తిలో కార్లపై పడ్డ చెట్టుకొమ్మలు
శ్రీకాళహస్తీశ్వర దేవస్థానం కారు పార్కింగ్లో ఉన్న కార్లపై చెట్టుకొమ్మలు పడడంతో పాక్షికంగా దెబ్బతిన్నాయి. శ్రీకాళహస్తీశ్వర దేవస్థానానికి సొంత వాహనాలలో విచ్చేసిన భక్తుల కష్టాలు వర్ణణాతీతంగా మారింది. శ్రీకాళహస్తికి ఆదివారం తమిళనాడు, ఆంధ్రకు చెందిన భక్తులు కార్లల్లో దర్శనానికి వచ్చారు. పార్కింగ్లో కారులు ఉంచి దర్శనానికి వెళ్లారు. ఇంతలో కురుస్తున్న వర్షాలకు చెట్టుకొమ్మలు పడి 3 కార్లు దెబ్బతిన్నాయి.
News November 30, 2025
నల్గొండ: లక్కీ ఛాన్స్.. సర్పంచ్ పీఠం ఆమెకే
మాడ్గులపల్లి మండలం గజలాపురం గ్రామ పంచాయతీ సర్పంచ్ స్థానం ఎస్టీ మహిళకు రిజర్వైంది. అయితే ఆ గ్రామంలో బ్రహ్మమల రోజా (33) ఒక్కరే ఎస్టీ మహిళా ఓటరుగా ఉన్నారు. ఆమె ఈ రోజు నామినేషన్ వేశారు. ఇక సర్పంచ్ కావడమే తరువాయి. మూడు, నాలుగో వార్డుకు అదే రిజర్వేషన్ వచ్చిందని, అక్కడ పోటీ చేయడానికి అభ్యర్థులే లేరని స్థానికులు చెబుతున్నారు. ఇక్కడ రెండో విడతలో ఎన్నికలు జరగనున్నాయి.