News October 11, 2024

కైకలూరులో రికార్డ్ స్థాయిలో ధరలు.. KG రూ.400

image

కైకలూరులో రికార్డు స్థాయిలో వెల్లుల్లి ధర పలుకుతోంది. అటు NTR జిల్లాలో కూడా భారీగా పెరిగాయి. ఇప్పటికే ఉల్లి, టమాటాలు సెంచరీకి దగ్గరలో ఉండగా.. వాటికి వెల్లుల్లి తోడయింది. ప్రస్తుతం వెల్లుల్లి కిలో రూ.400 పలుకుతోందని వినియోగదారులు, వ్యాపారస్థులు చెబుతున్నారు. ఇప్పటికే పలు నిత్యావసర సరుకులు ప్రభుత్వం తక్కువ ధరలకు ఇచ్చే ఏర్పాట్లు చేయగా.. వాటిలో వెల్లుల్లిని చేర్చాలంటున్నారు.

Similar News

News November 30, 2025

కృష్ణా జిల్లా కలెక్టరేట్‌లో కంట్రోల్ రూమ్ ఏర్పాటు

image

దిత్వా తుఫాన్ నేపథ్యంలో కృష్ణా కలెక్టరేట్‌లో కంట్రోల్ రూమ్ ఏర్పాటు చేశారు. తుఫాన్ కారణంగా జిల్లాలో కూడా భారీ వర్షాలు కురుస్తాయన్న వాతావరణ శాఖ హెచ్చరికల నేపథ్యంలో కలెక్టరేట్‌లో 08672-252399 నంబర్‌తో కంట్రోల్ రూమ్ ఏర్పాటు చేసినట్లు కలెక్టర్ డీకే బాలాజీ తెలిపారు. అధికారులంతా అప్రమత్తంగా ఉండాలని, రైతులు తాము పండించిన ధాన్యం తడిచిపోకుండా జాగ్రత్తలు తీసుకోవాలని కలెక్టర్ కోరారు.

News November 30, 2025

డిసెంబర్ 4,5,6 తేదీల్లో కృష్ణా తరంగ్-2025

image

కృష్ణా విశ్వవిద్యాలయం ఆధ్వర్యంలో డిసెంబర్ 4,5,6 తేదీల్లో కృష్ణా తరంగ్-2025 వేడుకలను నిర్వహించనున్నారు. ఇందుకు సంబంధించిన గోడ పత్రికలను విశ్వవిద్యాలయం ఉపకులపతి ఆచార్య రాంజీ ఆవిష్కరించారు. రుద్రవరంలోని విశ్వవిద్యాలయంలో 3 రోజుల పాటు వివిధ రకాల అంశాల్లో కల్చరల్ ఈవెంట్స్‌ను నిర్వహించనున్నట్లు ఆయన తెలిపారు. కార్యక్రమంలో కృష్ణా తరంగ్-2025 కన్వీనర్ ఆచార్య దిలీప్, తదితరులు పాల్గొన్నారు.

News November 30, 2025

కృష్ణా: యువకుడి ప్రాణం తీసిన కుక్క

image

కంకిపాడు మండలం ఈడుపుగల్లు హైవేపై రామాలయం వద్ద శనివారం రాత్రి జరిగిన ప్రమాదంలో వణుకూరుకు చెందిన కుమారవర్ధన్ (28) మృతిచెందాడు. కుమారవర్ధన్ బుల్లెట్‌పై వస్తుండగా, కుక్క అడ్డు రావడంతో బైక్ అదుపుతప్పి పడిపోయింది. తీవ్రంగా గాయపడిన అతడిని ఆసుపత్రికి తరలించగా, వైద్యులు మృతి చెందినట్లు నిర్ధారించారు. ఘటనపై కంకిపాడు పోలీసులు కేసు నమోదు చేసి దర్యాప్తు చేస్తున్నారు.