News March 4, 2025
కైకలూరు: కూలి పనులకు వెళ్లి పాముకాటుకు గురైన యువకుడు
కూలి పనికి వెళ్లిన యువకుడు పాముకాటుతో మృతి చెందాడు. మండలంలోని శృంగవరప్పాడు గ్రామానికి చెందిన జయమంగళ జాన్ పదో తరగతి పూర్తి చేశాడు. గుంటూరు(D) అమరావతిలో చేపల పట్టుబడికి ఆదివారం సాయంత్రం 11 మంది గ్రామస్థులతోపాటు మత్స్యకార కూలీగా అతనూ వెళ్లాడు. వీరంతా అర్ధరాత్రి సమయంలో అక్కడకు చేరుకోవడంతో పాకలో నిద్రపోయారు. నిద్రలో ఉన్న జాన్‌ను విషసర్పం కాటు వేసింది. గుంటూరు ఆసుపత్రిలో చికిత్స పొందుతూ మృతి చెందాడు.
Similar News
News November 29, 2025
బ్యాంకర్లు రుణ లక్ష్యాలను చేరుకోవాలి: కలెక్టర్ హైమావతి
బ్యాంకర్లు తమ వార్షిక రుణ లక్ష్యాలను కచ్చితంగా చేరుకోవాలని కలెక్టర్ కె. హైమావతి సూచించారు. సిద్దిపేట ఐడీఓసీ సమావేశ మందిరంలో నిర్వహించిన జిల్లా కన్సల్టేటివ్ కమిటీ, జిల్లా స్థాయి సమీక్ష కమిటీ సమావేశంలో కలెక్టర్ మాట్లాడారు. 2025-26 ఆర్థిక సంవత్సరంలో సబ్సిడీ రుణాలు, ఇతర అంశాలపై ఆర్థిక ప్రగతిని సమీక్షించారు. బ్యాంకర్లకు పలు సూచనలు, ఆదేశాలు జారీ చేస్తూ, నిరుపేదలకు రుణాలు సకాలంలో అందేలా చూడాలన్నారు.
News November 29, 2025
CRDA అధికారులకు సీఎం వార్నింగ్
AP: పనుల కోసం ప్రభుత్వ కార్యాలయానికి వెళ్లే రాజధాని రైతులను డబ్బులు అడిగితే తీవ్ర పరిణామాలుంటాయని CM చంద్రబాబు హెచ్చరించారు. CRDA అధికారులు, సిబ్బందిపై వస్తున్న ఫిర్యాదులపై విచారించి కఠిన చర్యలు తీసుకుంటామన్నారు. రైతుల సమస్యల పరిష్కారం కోసం త్రిసభ్య కమిటీ పనిచేస్తుందని తెలిపారు. TDP కేంద్ర కార్యాలయంలో మీడియాతో చిట్‌చాట్‌లో మాట్లాడుతూ గోదావరి పుష్కరాల నాటికి పోలవరం పూర్తి చేస్తామని చెప్పారు.
News November 29, 2025
పాఠశాలల వద్ద తస్మాత్ జాగ్రత్త.. ప్రకాశం పోలీస్.!
పాఠశాలల పరిసరాల్లో రాకపోకలు సాగించే వాహనదారులు మితిమీరిన వేగంతో వెళ్లరాదని ప్రకాశం పోలీసులు సూచించారు. ఈ మేరకు ప్రకాశం పోలీస్ సామాజిక మాధ్యమాల ద్వారా శనివారం పలు సూచనలు జారీ చేశారు. వాహనాల వేగంకన్నా, పిల్లల ప్రాణాలు ముఖ్యమన్న విషయాన్ని వాహనదారులు గుర్తించాలని సూచించారు. పాఠశాలల వద్ద చిన్నారులు అకస్మాత్తుగా రహదారులపైకి వచ్చే అవకాశం ఉంటుందని, వాహనదారులు ఈ విషయాన్ని కూడా గుర్తించాలని వారు కోరారు.