News April 16, 2025
కైలాసపట్నం: క్షతగాత్రుల్లో ఇద్దరి పరిస్థితి విషమం
కోటవురట్ల మండలం కైలాసపట్నం బాణసంచా తయారీ కేంద్రంలో జరిగిన ప్రమాదంలో తీవ్రంగా గాయపడిన వారిలో ఇద్దరి పరిస్థితి విషమంగా ఉంది. కేజీహెచ్ సీఎస్ఆర్ బ్లాక్‌లో చికిత్స పొందుతున్న జల్లూరి నాగరాజు, ప్రైవేట్ ఆసుపత్రిలో చికిత్స పొందుతున్న మడకల జానకిరామ్‌కు వెంటిలేటర్‌పై చికిత్స అందిస్తున్నారు. ఈ విషయాన్ని వారి బంధువులు మంగళవారం తెలిపారు. వి.సంతోషి, వి షారోని, వి.రాజును త్వరలో డిశ్చార్జ్ చేయనున్నారు.
Similar News
News November 29, 2025
ఖమ్మం: ఆ గ్రామం అందరికీ ఆదర్శం..!
ఖమ్మం జిల్లా కొణిజెర్ల మండలం తనికెళ్ల గ్రామం ఆదర్శంగా నిలుస్తోంది. ఓటింగ్ పై స్థానిక యువత అవగాహన కార్యక్రమాలు చేపడుతూ ప్రజలను చైతన్య వంతులను చేస్తున్నారు. ప్రతి ఓటు విలువైనదని, ఓటు వేయడం ద్వారా మంచి నాయకత్వాన్ని ఎంచుకోవచ్చని, అభివృద్ధి, పారదర్శకత, గ్రామ సమస్యల పరిష్కారం ఇవన్నీ ఓటర్ల నిర్ణయంపైనే ఆధారపడి ఉంటాయని పేర్కొన్నారు. గ్రామ భవిష్యత్తు ఓటర్ల చేతుల్లోనే ఉందంటూ సూచిస్తున్నారు.
News November 29, 2025
ఖమ్మం: దీక్షా దివస్‌కు నేటితో 16 ఏళ్లు పూర్తి: సండ్ర వెంకట వీరయ్య
ఖమ్మంలోని బీఆర్ఎస్ జిల్లా కార్యాలయంలో శనివారం దీక్ష దివస్ కార్యక్రమం నిర్వహించారు. ఈ కార్యక్రమంలో పాల్గొన్న సత్తుపల్లి మాజీ ఎమ్మెల్యే సండ్ర వెంకట వీరయ్య మాట్లాడుతూ.. తెలంగాణ ప్రత్యేక రాష్ట్రం కోసం కేసీఆర్ చేసిన దీక్షకు నేటితో 16 సంవత్సరాలు పూర్తయ్యాయన్నారు. ఈ కార్యక్రమంలో బీఆర్ఎస్ నాయకులు పాల్గొన్నారు.
News November 29, 2025
ఎన్నికల నేపథ్యంలో నిరంతర నిఘా ఉంచాలి: SP
సర్పంచ్ ఎన్నికల నేపథ్యంలో జిల్లా ఎస్పీ స్నేహ మెహ్రా జిల్లాలోని పోలీస్ అధికారులతో సమీక్షా సమావేశం నిర్వహించారు. జిల్లాలో మూడు దశల్లో జరిగే ఎన్నికల ప్రక్రియకు, భద్రతా ఏర్పాట్లకు, బందోబస్తుకు సంబంధించి అధికారులకు ఆమె స్పష్టమైన దిశానిర్దేశం చేశారు. శాంతిభద్రతల పరిరక్షణ కోసం సమస్యాత్మక పోలింగ్ కేంద్రాలను ముందుగానే గుర్తించి, అక్కడ అదనపు బలగాలను మోహరించి, నిరంతర నిఘా ఉంచాలని ఎస్పీ ఆదేశించారు.