News January 25, 2025

కొండగట్టు అదనపు ఈవోగా బాధ్యతలు స్వీకరించిన కృష్ణ ప్రసాద్

image

కొండగట్టు అదనపు ఈవోగా కృష్ణ ప్రసాద్ శనివారం బాధ్యతలు స్వీకరించారు. ఈనెల 18న ఈవోగా బాధ్యతలు స్వీకరించిన శ్రీకాంతరావు సెలవులో ఉండడం వలన, హైదరాబాద్ దేవాదాయశాఖలో డీసీఎస్‌గా విధులు నిర్వహిస్తున్న కృష్ణప్రసాద్‌కు కొండగట్టు ఈవోగా అదనపు బాధ్యతలు అప్పగించారు. నూతన ఈవోకు ఆలయ అధికారులు అర్చకులు శాలువాతో సత్కరించి, తీర్థప్రసాదాలు అందజేశారు. ఈనెల 30న హుండీ లెక్కింపు కార్యక్రమం చేపడుతున్నట్లు ఈవో తెలిపారు.

Similar News

News November 29, 2025

మొబైల్‌ నంబర్ చాలు.. ఉచితంగా రూ.5 లక్షల వరకూ చికిత్స

image

ఆయుష్మాన్ భారత్ PMJAY పథకం ద్వారా ప్రతి కుటుంబానికి ఏడాదికి రూ.5 లక్షల వరకు ఉచిత చికిత్స లభిస్తుంది. ఇందుకు ఆయుష్మాన్ కార్డు ఉండాలి. ఆధార్‌కు లింక్ అయిన మొబైల్ నంబర్‌తో కార్డును సులభంగా డౌన్‌లోడ్‌ చేసుకోవచ్చు. beneficiary.nha.gov.in, ఆయుష్మాన్ యాప్ లేదా DigiLocker ద్వారా లాగిన్‌ అవ్వాలి. అనంతరం కుటుంబ సభ్యుడిని సెలక్ట్ చేసుకుని కార్డు డౌన్‌లోడ్ చేసుకోవచ్చు. కార్డు డౌన్‌లోడ్ పూర్తిగా ఉచితం.

News November 29, 2025

ఆయుష్మాన్ కార్డుకు మీరూ అర్హులేనా? చెక్‌ చేసుకోండిలా..

image

ఆయుష్మాన్ భారత్ PMJAY పథకం ద్వారా పేద, మధ్యతరగతి కుటుంబాలకు సంవత్సరానికి రూ.5లక్షల వరకు ఉచిత చికిత్స లభిస్తుంది. అయితే మీరు అర్హులా కాదా అనే విషయం తెలుసుకోవడానికి pmjay.gov.inలోని Am I Eligible? ఆప్షన్‌కి వెళ్లి ఫోన్ నంబర్, ఇతర వివరాలు ఎంటర్ చేసి ఆధార్ నంబర్‌తో సెర్చ్ చేయాలి. అర్హత ఉంటే కార్డు పొందవచ్చు. అధికారిక సైట్‌లో అప్లై చేసుకోవచ్చు. ఆఫ్‌లైన్‌లో అయితే సమీప ఆరోగ్య కేంద్రాన్ని సంప్రదించవచ్చు.

News November 29, 2025

గ్లోబల్ సమ్మిట్ ఆహ్వానితులకు రెడ్ కార్పెట్

image

TG: గ్లోబల్ సమ్మిట్‌కు వచ్చే ప్రముఖులకు రెడ్ కార్పెట్ ఆహ్వానం పలికేలా ప్రభుత్వం భారీ ఏర్పాట్లు చేస్తోంది. హెలిప్యాడ్ నుంచి ప్రాంగణం వరకు ఉన్న 4.4 KM మార్గాన్ని ₹1.38 కోట్లతో ప్రీమియర్ గేట్‌వే, ది ఫౌండేషన్, ​ది కానోపీలుగా అభివృద్ధి చేసి ‘గ్రీన్ హ్యాండ్‌షేక్’ అందించనుంది. CM ఆదేశంతో FCDA, HMDAలు రంగంలోకి దిగాయి. ₹69.23Lతో శ్రీశైలం హైవే నుంచి RGIA గేట్ వరకు 330 Ft రోడ్డును ముస్తాబు చేస్తున్నారు.