News February 11, 2025

కొమరం భీం ఆసిఫాబాద్ జిల్లాలో తేలిన ఓటర్ల సంఖ్య

image

కొమరం భీం ఆసిఫాబాద్ జిల్లాలోని 15 మండలాల ఓటర్ల వివరాలను ముఖ్య ఎన్నికల అధికారి ఒక ప్రకటనలో తెలిపారు. జిల్లావ్యాప్తంగా ఉన్న 15 మండలాల్లో 1,77,105 పురుషుల ఓట్లు ఉండగా, 1,77,567 మహిళల ఓట్లు ఉన్నాయి. 19 థర్డ్ జెండర్ ఓట్లు ఉన్నట్లు ఎన్నికల అధికారి తెలిపారు. పురుషుల కంటే మహిళలు 462 ఓట్లు అధికంగా ఉన్నాయన్నారు. జిల్లాలో మొత్తం 3,54,691 మంది ఓటర్లు ఉన్నట్లుగా తెలిపారు.

Similar News

News November 30, 2025

నర్వ: భూగర్భ జల వినియోగాలు తగ్గించాలి: నీతి అయోగ్

image

నర్వ మండలంలో భూగర్భ జల వినియోగాన్ని తగ్గించాలని నీతి అయోగ్ సూచించినట్లు నర్వ ఎంపీడీవో శ్రీనివాసరావు తెలిపారు. నీటి వినియోగం తక్కువైనా భూగర్భ జలాలపై ఆధారపడి సాగునీటికై 70 శాతం భూగర్భ జలాలు, 30% చిన్న మధ్య తరహా సాగునీటి ప్రాజెక్టుల ద్వారా నీటి వినియోగం జరుగుతుందన్నారు. 57 గ్రామీణ ప్రాంతాల్లో జలజీవన్ కింద మంచినీటి సరఫరా జరుగుతుందని నీతి అయోగ్ సూచించిందన్నారు. ఉపరీతల జలాలను అధికంగా ఉపయోగించాలన్నారు.

News November 30, 2025

హనుమకొండ బీజేపీ ఇన్‌ఛార్జిగా బూర నర్సయ్య గౌడ్

image

తెలంగాణ రాష్ట్ర వ్యాప్తంగా వివిధ జిల్లాలకు బీజేపీ ఇన్‌ఛార్జిలను నియమించారు. హనుమకొండ జిల్లా ఇన్‌ఛార్జిగా బూర నర్సయ్య గౌడ్ నియమితులయ్యారు. సంస్థాగత ఎన్నికలు, జిల్లాలో పార్టీ కార్యక్రమాల పర్యవేక్షణ దృష్టిలో ఉంచుకుని ఈ నియామకం జరిగింది. హనుమకొండ జిల్లాకు చెందిన పలువురు నేతలు నర్సయ్య గౌడ్‌ను కలిసి శుభాకాంక్షలు తెలిపారు.

News November 30, 2025

NZB: ఆరు నెలల్లో 352 ఫిర్యాదులు

image

నిజామాబాద్ పోలీస్ కమిషనర్ కార్యాలయంలో ఆరు నెలలుగా నిర్వహించిన ప్రజావాణి కార్యక్రమంలో 352 ఫిర్యాదులను స్వీకరించినట్లు సీపీ సాయి చైతన్య ఆదివారం తెలిపారు. ప్రతి సోమవారం నిర్వహించిన ప్రజావాణిలో భాగంగా జిల్లా వ్యాప్తంగా ప్రజలు కమిషనర్ కార్యాలయానికి వచ్చి తమ ఫిర్యాదులను సీపీకి అందజేశారు. అయితే సమస్యలు పరిష్కరించాలని సంబంధిత పోలీస్ స్టేషన్ సీఐ, ఎస్ఐలకు ఆదేశాలు జారీ చేశారు.