News March 14, 2025
కోనరావుపేట: మహిళ అదృశ్యం.. కేసు నమోదు చేసిన పోలీసులు
కోనరావుపేట మండలం నిమ్మపల్లి గ్రామానికి చెందిన దొంతరవేణి లక్ష్మి అనే మహిళ అదృశ్యమైంది. ఊరికి వెళ్లి ఇంటికి తిరిగి రాకపోవడంతో భర్త రాజయ్య కోనరావుపేట పోలీస్ స్టేషన్ లో ఫిర్యాదు చేయగా ఎస్సై ప్రశాంత్ రెడ్డి కేసు నమోదు చేసుకొని దర్యాప్తు చేసినట్లు తెలిపారు. కాగా, ఆచూకీ తెలిసినవారు పోలీస్ స్టేషన్ ఫోన్ నంబర్ 8712656421 కు కాల్ చేయాలని ఎస్సై ప్రశాంత్ రెడ్డి తెలిపారు.
Similar News
News March 23, 2025
అమెరికాలో మెడికల్ సీటు సాధించిన ఖమ్మం విద్యార్థి
ఖమ్మం నగరానికి చెందిన రాజావాసిరెడ్డి నేహాశివాని అమెరికాలోని ప్రతిష్టాత్మక వెస్ట్ వర్జీనియా విశ్వవిద్యాలయంలో ఎండీ జనరల్ మెడిసిన్ విభాగంలో పీజీ సీటు సాధించారు. శుక్రవారం విడుదల చేసిన ఫలితాలలో శివాని ఈ ఘనత సాధించారు. వివిధ దశలలో నిర్వహించే మెడికల్ లైసెన్సింగ్ ప్రవేశ పరీక్షలు, ఇంటర్వ్యూలో అత్యుత్తమ ప్రతిభను కనబరచి మొదటి ప్రయత్నంలోనే వెస్ట్ వర్జీనియా విశ్వవిద్యాలయంలో సీటు సాధించడం విశేషం.
News March 23, 2025
రుషికొండ బీచ్‌కు బ్లూ ఫ్లాగ్ సర్టిఫికేషన్ పునరుద్ధరణ
రుషికొండ బీచ్ తన బ్లూ ఫ్లాగ్ సర్టిఫికేషన్‌ను తిరిగి పొందింది. రుషికొండ బ్లూ ఫ్లాగ్ బీచ్‌పై విధించిన తాత్కాలిక సస్పెన్షన్‌ను ఎత్తివేస్తున్నట్లు ఆ సంస్థ అధికారులు అధికారికంగా ప్రకటించారు. ఈ సందర్భంగా బ్లూ ఫ్లాగ్ ఇండియా జాతీయ ఆపరేటర్ డాక్టర్ శ్రీజిత్ కురూప్, బ్లూ ఫ్లాగ్ ఇండియా జ్యూరీ సభ్యుడు అజయ్ సక్సేనా విశాఖ కలెక్టర్‌ హరేంధిర ప్రసాద్‌కుఇందుకు సంబంధించిన గుర్తింపు పత్రాన్ని శనివారం అందజేశారు.
News March 23, 2025
రోడ్డు ప్రమాదంలో హిందీ టీచర్ స్పాట్ డెడ్
తిరుపతి జిల్లా రామచంద్రాపురం మండలం చిట్టటూరు హరిజనవాడ వద్ద శనివారం అర్ధరాత్రి రోడ్డు ప్రమాదం జరిగింది. బైకు మీద వెళ్తున్న కమ్మపల్లి జిల్లా పరిషత్ ఉన్నత పాఠశాలలో పనిచేస్తున్న హిందీ టీచర్ శివకేశవులు(45)ను గుర్తుతెలియని వాహనం ఢీకొట్టడంతో ఆయన అక్కడికక్కడే మృతి చెందారు. పలువురు వాహన దారులు 108కు సమాచారం ఇవ్వడంతో సిబ్బంది వెంటనే డెడ్ బాడీని వాహనంలో తిరుపతి రుయా ఆసుపత్రికి తరలించారు.