News October 21, 2024
కోవూరు: రైలు ఢీకొని వృద్ధుడు మృతి
కోవూరు మండలం పడుగుపాడు రైల్వే స్టేషన్ సమీపంలో గుర్తు తెలియని వ్యక్తిని రైలు ఢీ కొట్టడంతో మృతి చెందినట్లు స్థానికులు తెలిపారు. మృతుడు సుమారు 70 సంవత్సరాల వయసు కలిగి, తెల్లని నిండు చేతుల చొక్కా, కాఫీ కలర్ చెక్స్ లుంగీ ధరించి ఉన్నాడు. చొక్కా కాలర్‌పై మ్యాక్స్ టైలర్స్ కోవూరు లేబుల్ ఉంది. మృతుడు ఎవరు అనేది పూర్తి వివరాలు తెలియాల్సి ఉంది.
Similar News
News November 30, 2025
నెల్లూరు జిల్లాలోని కాలేజీలకు కూడా సెలవు
తుఫాన్ హెచ్చరికల నేపథ్యంలో నెల్లూరు జిల్లాలోని అన్ని జూనియర్ కాలేజీలకు సోమవారం సెలవు ప్రకటించినట్లు RIO వరప్రసాద్ తెలిపారు. జాయింట్ కలెక్టర్ ఆదేశాల మేరకు జిల్లాలోని అన్ని ప్రభుత్వ, ప్రైవేట్ జూనియర్ కళాశాలలు సెలవు ప్రకటించాలని స్పష్టం చేశారు. ఆదేశాలకు విరుద్ధంగా కళాశాల యాజమాన్యాలు వ్యవహరిస్తే చట్టపరమైన చర్యలు తీసుకుంటామని హెచ్చరించారు. అంగన్వాడీలు, స్కూళ్లకు ఇప్పటికే సెలవు ఇచ్చిన విషయం తెలిసిందే.
News November 30, 2025
నెల్లూరు జిల్లా స్కూళ్లకు రేపు సెలవు
తుఫాన్ హెచ్చరికల నేపథ్యంలో నెల్లూరు జిల్లాలోని అన్ని పాఠశాలలకు విద్యాశాఖ సోమవారం సెలవు ప్రకటించింది. అన్ని ప్రభుత్వ, ప్రైవేట్ స్కూళ్లకు సెలవు ఇచ్చేలా DyEOs, MEOs, HMs అందరూ చర్యలు తీసుకోవాలని డీఈవో బాలాజీ రావు ఆదేశించారు. నెల్లూరులో సోమవారం జరగాల్సిన PGRS కూడా రద్దు చేశారని తెలిపారు.
News November 30, 2025
వర్షాలు.. మంత్రి ఆనం కీలక ఆదేశాలు
భారీ వర్షాలు, దిత్వా తుఫాను నేపథ్యంలో మంత్రి ఆనం రామనారాయణ రెడ్డి అధికారులతో టెలీకాన్ఫరెన్స్ నిర్వహించారు. జిల్లా తుఫాన్ ప్రత్యేక అధికారి యువరాజ్ IAS, జాయింట్ కలెక్టర్ మొగిలి వెంకటేశ్వర్లు, ఇంజినీరింగ్ విభాగాలతో చర్చించారు. సోమశిల, కండలేరు, సంగం, నెల్లూరు బ్యారేజ్‌ల నీటి ఇన్‌ఫ్లో, అవుట్‌ఫ్లో వివరాలను తెలుసుకున్నారు. వాగులు, జలాశయాల వద్ద ఎప్పటికప్పుడు నిఘా పెట్టాలని ఆదేశించారు.