News January 24, 2026

ఖమ్మం: ఏకగ్రీవ పంచాయతీలకు అందని ప్రోత్సాహకం

ఉమ్మడి జిల్లాలో ఏకగ్రీవ పంచాయతీలకు ప్రభుత్వ ప్రోత్సాహక నిధులు అందక అభివృద్ధి కుంటుపడుతోంది. గత ప్రభుత్వ హామీలు నెరవేరకపోగా, ప్రస్తుత ప్రభుత్వం కూడా నిధులపై స్పష్టతనివ్వడం లేదు. నేలకొండపల్లి, కూసుమంచి, మధిర, కారేపల్లి సహా పలు మండలాల్లోని పలు జీపీలు ఏకగ్రీవమవ్వగా, నిధుల లేమితో పారిశుద్ధ్యం, మౌలిక వసతుల పనులు నిలిచిపోయాయి. తక్షణమే నిధులు విడుదల చేసి గ్రామాలను ఆదుకోవాలని కొత్త సర్పంచులు కోరుతున్నారు.