News January 25, 2025
గణతంత్ర దినోత్సవ వేడుకల నిర్వహణకు ఏర్పాట్లు పూర్తి: BHPL కలెక్టర్
గణతంత్ర దినోత్సవ వేడుకల నిర్వహణకు అన్ని ఏర్పాట్లు పూర్తైనట్లు జిల్లా కలెక్టర్ రాహుల్ శర్మ తెలిపారు. ఉదయం 9 గంటలకు జిల్లా కేంద్రంలోని డా బీఆర్ అంబేద్కర్ క్రీడా ప్రాంగణంలో జాతీయ పతాక ఆవిష్కరణ ఉంటుందని తెలిపారు. అనంతరం ప్రభుత్వ అభివృద్ధి సంక్షేమ కార్యక్రమాలపై జిల్లా ప్రజలను ఉద్దేశించి ప్రసంగం, తదుపరి ప్రభుత్వ పాఠశాలల విద్యార్థిని, విద్యార్థులచే సాంస్కృతిక కార్యక్రమాలు ఉంటాయన్నారు.
Similar News
News December 22, 2025
ఇక వ్యవసాయంలో కూలీల కొరత ఉండదు!
MGNREGA స్థానంలో కేంద్రం కొత్తగా తెచ్చిన VB-G RAM G చట్టంతో రైతులకు ఊరట దక్కనుంది. ఈ చట్టం ప్రకారం ఒక ఆర్థిక సంవత్సరంలో పీక్ అగ్రికల్చర్ సీజన్ (పంటలు వేసే, కోసే)లో 60 రోజుల పాటు ఉపాధి పనులు నిలిపివేసే వెసులుబాటు ఉంది. దీనివల్ల రైతులకు కూలీల కొరత నుంచి ఉపశమనం లభిస్తుంది. మరోవైపు ఉపాధి హామీ పని దినాలు 100 నుంచి 125 రోజులకు పెరగడంతో కూలీల ఆదాయం 25% పెరగనుంది.
News December 22, 2025
బెజవాడలో డ్రగ్స్ కలకలం.. ఇద్దరి అరెస్ట్
విజయవాడ మాచవరం PS పరిధిలోని ఓ హోటల్లో MDMA డ్రగ్స్ సేవిస్తున్నారన్న సమాచారంతో పోలీసులు మెరుపు దాడి చేశారు. ఈ తనిఖీల్లో ఇద్దరు పట్టుబడగా, నెల్లూరుకు చెందిన మరో నిందితుడు సినిమా ఫక్కీలో కారుతో సహా పరారవ్వడం స్థానికంగా సంచలనం సృష్టించింది. ముగ్గురు నిందితులు హోటల్లో డ్రగ్స్ పార్టీ చేసుకుంటుండగా అదుపులోకి తీసుకున్నామని పోలీసులు తెలిపారు. పరారైన వ్యక్తి కోసం ప్రత్యేక బృందాలతో గాలిస్తున్నామన్నారు.
News December 22, 2025
వేములవాడ వయా KNR నుంచి అరుణాచలానికి బస్సు
అరుణాచలానికి వేములవాడ నుంచి SL బస్సును ఏర్పాటు చేసినట్లు VMLD DM శ్రీనివాస్ తెలిపారు. DEC 24న VMLD నుంచి మధ్యాహ్నం బయలుదేరి KNR మీదుగా కాణిపాకం, వెల్లూరు గోల్డెన్ టెంపుల్, అరుణాచలం, తిరుపతి, జోగులాంబ గద్వాల్ అమ్మవారి దర్శనాల అనంతరం DEC 28న KNR మీదుగా రాత్రికి బస్ వేములవాడకు తిరిగి చేరుకుంటుందని చెప్పారు. పెద్దలకు రూ.6,100, పిల్లలకు రూ.4,850ల ఛార్జ్ అని, వివరాలకు డిపో, బస్టాండ్లో సంప్రదించవచ్చు.