News July 25, 2024
గుడివాడ-మచిలీపట్నం హైవేపై రోడ్డు ప్రమాదం.. ఒకరు స్పాట్ డెడ్
గుడివాడ రూరల్ మండలం సిద్ధాంతం గ్రామంలోని గుడివాడ-మచిలీపట్నం హైవేపై గురువారం రోడ్డు ప్రమాదం జరిగింది. బైక్‌పై వెళుతున్న వ్యక్తిని గుర్తు తెలియని వాహనం ఢీకొంది. ఈ ఘటనలో అతను అక్కడికక్కడే మృతి చెందాడు. ప్రమాదం ధాటికి మృతదేహం నుజ్జు నుజ్జుగా మారిందని స్థానికులు తెలిపారు. బాధితుడి ఏపీ 39 ఈవీ 8684 నంబర్ గల బైక్ ఘటనా స్థలంలోనే పడి ఉంది. గుడివాడ రూరల్ పోలీసులు కేసు నమోదు చేశారు.
Similar News
News November 30, 2025
కృష్ణా జిల్లా కలెక్టరేట్‌లో కంట్రోల్ రూమ్ ఏర్పాటు
దిత్వా తుఫాన్ నేపథ్యంలో కృష్ణా కలెక్టరేట్‌లో కంట్రోల్ రూమ్ ఏర్పాటు చేశారు. తుఫాన్ కారణంగా జిల్లాలో కూడా భారీ వర్షాలు కురుస్తాయన్న వాతావరణ శాఖ హెచ్చరికల నేపథ్యంలో కలెక్టరేట్‌లో 08672-252399 నంబర్‌తో కంట్రోల్ రూమ్ ఏర్పాటు చేసినట్లు కలెక్టర్ డీకే బాలాజీ తెలిపారు. అధికారులంతా అప్రమత్తంగా ఉండాలని, రైతులు తాము పండించిన ధాన్యం తడిచిపోకుండా జాగ్రత్తలు తీసుకోవాలని కలెక్టర్ కోరారు.
News November 30, 2025
డిసెంబర్ 4,5,6 తేదీల్లో కృష్ణా తరంగ్-2025
కృష్ణా విశ్వవిద్యాలయం ఆధ్వర్యంలో డిసెంబర్ 4,5,6 తేదీల్లో కృష్ణా తరంగ్-2025 వేడుకలను నిర్వహించనున్నారు. ఇందుకు సంబంధించిన గోడ పత్రికలను విశ్వవిద్యాలయం ఉపకులపతి ఆచార్య రాంజీ ఆవిష్కరించారు. రుద్రవరంలోని విశ్వవిద్యాలయంలో 3 రోజుల పాటు వివిధ రకాల అంశాల్లో కల్చరల్ ఈవెంట్స్‌ను నిర్వహించనున్నట్లు ఆయన తెలిపారు. కార్యక్రమంలో కృష్ణా తరంగ్-2025 కన్వీనర్ ఆచార్య దిలీప్, తదితరులు పాల్గొన్నారు.
News November 30, 2025
కృష్ణా: యువకుడి ప్రాణం తీసిన కుక్క
కంకిపాడు మండలం ఈడుపుగల్లు హైవేపై రామాలయం వద్ద శనివారం రాత్రి జరిగిన ప్రమాదంలో వణుకూరుకు చెందిన కుమారవర్ధన్ (28) మృతిచెందాడు. కుమారవర్ధన్ బుల్లెట్‌పై వస్తుండగా, కుక్క అడ్డు రావడంతో బైక్ అదుపుతప్పి పడిపోయింది. తీవ్రంగా గాయపడిన అతడిని ఆసుపత్రికి తరలించగా, వైద్యులు మృతి చెందినట్లు నిర్ధారించారు. ఘటనపై కంకిపాడు పోలీసులు కేసు నమోదు చేసి దర్యాప్తు చేస్తున్నారు.