News November 15, 2024
గుత్తి: డబుల్ రైల్వే లైన్‌కు భూముల పరిశీలన
గుత్తి-పెండేకల్లు రైల్వే డబుల్ లైన్ పనులు త్వరలో జరగనున్నాయి. వీటికి చెట్నేపల్లి సమీపంలోని భూములను కేటాయించారు. జిల్లా జాయింట్ కలెక్టర్ శివ నారాయణ శర్మ శుక్రవారం వీటిని పరిశీలించారు. మ్యాపులను వీక్షించి స్థానిక అధికారులకు పలు సూచనలు చేశారు. ఆయన వెంట తహశీల్దార్ ఓబులేసు, రైల్వే సెక్షన్ ఆఫీసర్ విమలేష్ కుమార్, సర్వేయర్ శేష సాయి తదితరులు పాల్గొన్నారు.
Similar News
News December 10, 2024
అనంతపురంలో కేజీ టమాటా రూ.20
టమాటా ధరలు పడిపోయాయి. అనంతపురం కక్కలపల్లి మార్కెట్‌లో నిన్న మొన్నటి వరకు కిలో రూ.30 నుంచి రూ.40 వరకు పలుకుతుండగా తాజాగా రూ.20కి చేరింది. కనిష్ఠంగా రూ.5, సరాసరి రూ.10తో విక్రయాలు సాగుతున్నాయి. మరోవైపు చీనీ ధరలు మాత్రం నిలకడగా ఉన్నాయి. నిన్న టన్ను గరిష్ఠంగా రూ.37,280 పలికాయి.
News December 10, 2024
పోక్సో కేసులో నిందితుడి అరెస్టు: కదిరి సీఐ
కదిరి మైనర్ బాలికకు మాయ మాటలు చెప్పి ప్రేమ పేరుతో మోసం చేసిన కేసులో నిందితుడు నాగరాజును అరెస్టు చేసినట్లు సీఐ నారాయణరెడ్డి తెలిపారు. సీఐ వివరాల మేరకు.. నాగరాజు ఆటో నడుపుకుంటూ జీవనం గడుపుతున్నాడు. 10వ తరగతి చదువుతున్న మైనర్ బాలికను మభ్యపెట్టి మోసం చేశాడని బాలిక కుటుంబ సభ్యులు పోలీసులకు ఫిర్యాదు చేశారు. దీంతో పోక్సో కేసు నమోదు చేసి అరెస్ట్ చేసినట్లు చెప్పారు. రిమాండ్‌కు పంపినట్లు వివరించారు.
News December 10, 2024
అనంత: లక్ష్యాలను త్వరిత గతిన పూర్తి చేయాలి: కలెక్టర్
మిస్సింగ్ ఎంప్లాయిస్ అండ్ సిటిజన్స్ మ్యాపింగ్, హౌస్ ఇమేజ్ & జియో కోఆర్డినేట్స్, ఎన్పీసీఐ లింక్, సచివాలయ ఉద్యోగుల బయోమెట్రిక్ అటెండెన్స్, ఎంఎస్ఎంఈ సర్వే స్టేటస్ కింద కేటాయించిన లక్ష్యాలను త్వరితగతిన పూర్తి చేయాలని జిల్లా కలెక్టర్ వినోద్ కుమార్ ఆదేశించారు. సోమవారం సాయంత్రం అనంతపురం కలెక్టరేట్‌లోని మినీ కాన్ఫరెన్స్ హాల్‌లో మిస్సింగ్ ఎంప్లాయిస్ అండ్ సిటిజన్స్ మ్యాపింగ్, హౌస్ ఇమేజ్ పై సమీక్ష చేశారు.