News February 26, 2026
గొల్లల మామిడాడలో దర్శకుడు శేఖర్ కమ్ముల సందడి
ప్రముఖ చిత్ర దర్శకుడు శేఖర్ కమ్ముల బుధవారం పెదపూడి మండలం గొల్లల మామిడాడ సూర్య దేవాలయాన్ని సందర్శించారు. ఒక వివాహ వేడుక కోసం ఇక్కడికి వచ్చిన ఆయన.. సంపర, గండ్రేడు గ్రామాలను కూడా పరిశీలించారు. కొత్త సినిమా షూటింగ్ కోసం లోకేషన్లను వెతుకుతున్నట్లు ఆయన సన్నిహితులు తెలిపారు. ఈ పర్యటనలో ఆధ్యాత్మికవేత్త అద్దంకి సత్యనారాయణమూర్తి, స్థానికులు పాల్గొన్నారు.
Similar News
News April 19, 2026
చిరు, బాలయ్యతో మోహన్లాల్ క్రేజీ రోల్స్?
చిరంజీవి, బాబీ కాంబో మూవీలో మలయాళ సూపర్ స్టార్ మోహన్లాల్ నటిస్తున్నారనే టాక్ ఎప్పటి నుంచో ఉంది. తాజాగా బాలయ్య-వివేక్ ఆత్రేయ ప్రాజెక్టులోనూ ఆయన పేరు వినిపిస్తోంది. ఒకేసారి ఇద్దరు బిగ్ స్టార్స్ సినిమాల్లో కనిపిస్తే ఫ్యాన్స్కు పండగే. అయితే డేట్స్ ఇష్యూ వల్ల చిరు సినిమా నుంచి ఆయన తప్పుకొనే ఛాన్స్ ఉందని టాక్. ఒకవేళ అంతా సెట్ అయితే 2027 సంక్రాంతికి మోహన్లాల్ డబుల్ ధమాకా ఇవ్వడం ఖాయంగా కనిపిస్తోంది.
News April 19, 2026
ట్రంప్-మునీర్ మైత్రి: అమెరికాకే ప్రమాదం!
ఇరాన్తో చర్చలకు మధ్యవర్తిగా పాక్ ఆర్మీ చీఫ్ ఆసిమ్ మునీర్ను ఎంచుకోవడాన్ని అమెరికా రక్షణ నిపుణులు తప్పుబడుతున్నారు. ఇరాన్ సైన్యం, నిఘా సంస్థలు, IRGC నేతలతో ఆయనకు ఏళ్ల నుంచి ఉన్న సంబంధాలే ఇందుకు కారణం. గతంలో అఫ్గాన్ విషయంలో మిత్రదేశంగా నటిస్తూనే తాలిబన్లకు సహకరించిన పాక్ ద్వంద్వ నీతిని మరువరాదని, మునీర్ను నమ్మడం వల్ల US వ్యూహాత్మక రహస్యాలు ఇరాన్ చేతికి చిక్కే ప్రమాదం ఉందని హెచ్చరిస్తున్నారు.
News April 19, 2026
కీవ్ సూపర్ మార్కెట్లో కాల్పులు.. ఆరుగురి మృతి!
ఉక్రెయిన్ రాజధాని కీవ్లో ఓ ఉన్మాది జరిపిన కాల్పుల్లో ఆరుగురు ప్రాణాలు కోల్పోయారు. కీవ్లోని హోలోసివ్స్కీ జిల్లాలో వీధిలో వెళ్తున్న వారిపై నిందితుడు విచక్షణారహితంగా కాల్పులు జరిపాడు. అనంతరం సూపర్ మార్కెట్లోకి దూరి కొంతమందిని బందీలను చేసుకున్నాడు. సుమారు 40 నిమిషాల ఉత్కంఠ తర్వాత ప్రత్యేక దళాలు (KORD) జరిపిన ఆపరేషన్లో నలుగురు బందీలను విడిపించారు. దుండగుణ్ని కాల్చి చంపారు.