News July 21, 2024
గోదావరి పరీవాహక ప్రాంతాలవారు అప్రమత్తంగా ఉండాలి: సీతక్క
వర్షాలు విస్తారంగా కురుస్తున్న నేపథ్యంలో ఆదిలాబాద్ జిల్లాలోని గోదావరి పరీవాహక ప్రాంతాల్లో ఉండే ప్రజలు, అధికారులు అప్రమత్తంగా ఉండాలని మంత్రి సీతక్క సూచించారు. జిల్లాలోని కలెక్టర్లతో సెక్రటేరియెట్ నుంచి ఫోన్లో మాట్లాడి వరదలపై సమీక్షించారు. గోదావరి సమీప గ్రామాల ప్రజలతో మాట్లాడి వివరాలు తెలుసుకున్నారు. చెరువులకు గండ్లు పడకుండా చర్యలు చేపట్టాలన్నారు.
Similar News
News November 29, 2025
రోడ్డు నిర్మాణ పనులు ముమ్మరం చేయండి: గోడం నగేశ్
గ్రామీణ ప్రాంతాలలో చేపడుతున్న రోడ్డు నిర్మాణ పనులను ముమ్మరం చేసేలా చర్యలు చేపట్టాలని ఆదిలాబాద్ ఎంపీ గోడం నగేష్ కోరారు. శనివారం ఆర్‌అండ్‌బి శాఖ మంత్రి కోమటి రెడ్డి వెంకట్ రెడ్డి, రెవెన్యూ శాఖ మంత్రి పొంగులేటి శ్రీనివాసరెడ్డిని హైదరాబాద్‌లో కలిశారు. జిల్లాలోని రోడ్డు సమస్యలతో పాటు పలు సమస్యలను మంత్రుల దృష్టికి తీసుకెళ్లారు. ఎంపీతో పాటు బీజేపీ రాష్ట్ర కౌన్సిల్ మెంబర్ రాజు ఉన్నారు.
News November 29, 2025
ఆదిలాబాద్: జోష్‌లో INC, BRS పార్టీలు..!
ఆదిలాబాద్ జిల్లా వ్యాప్తంగా పంచాయతీ ఎన్నికల నేపథ్యంలో అధికారిక కాంగ్రెస్, ప్రధాన ప్రతిపక్ష బీఆర్ఎస్ నేతలు జోష్‌లో ఉన్నారు. తొలి విడతలో భాగంగా శనివారం(నేడు) చివరి తేదీ కావడంతో తమ సర్పంచ్ ఆశావహుల అభ్యర్థులను బరిలో దింపుతున్నారు. డిసెంబర్ 11న పోలింగ్ ఉండటంతో రేపటి నుంచి ముమ్మరంగా ప్రచారానికి సిద్ధమవుతున్నారు. పంచాయతీ ఎన్నికలపై ఇరు పార్టీలో ఫోకస్ పెడుతున్నారు.
News November 29, 2025
నేడు ముగియనున్న నామినేషన్ గడువు: కలెక్టర్
ఆదిలాబాద్ జిల్లాలో పంచాయతీ ఎన్నికల తొలి దశ నామినేషన్ దాఖల గడువు ఇవాళ్టితో ముగియనున్న నేపథ్యంలో అభ్యర్థులు తక్షణమే నామినేషన్‌లు వేయాలని కలెక్టర్ రాజర్షిషా తెలిపారు. నామినేషన్‌ల స్వీకరణకు ఇవాళే చివరి రోజు కావడంతో ప్రతి గ్రామంలో మైక్ అనౌన్స్‌మెంట్లు నిర్వహించి ప్రజలకు పూర్తిస్థాయి అవగాహన కల్పించాలని ఆదేశాలు ఇచ్చారు. సందేహాల నివృత్తి కోసం హెల్ప్‌ డెస్కులను సిద్ధంగా ఉంచాలని తెలిపారు.