News November 16, 2024
గ్రూప్- 3 పరీక్షల స్ట్రాంగ్ రూమ్ వద్ద భద్రత ఏర్పాటు చేయాలి: కలెక్టర్
NLG: గ్రూప్- 3 పరీక్షల స్ట్రాంగ్ రూమ్ వద్ద పటిష్ట భద్రత ఏర్పాటు చేయాలని జిల్లా కలెక్టర్ ఇలా త్రిపాఠి అదేశించారు. అక్కడ భద్రపరిచిన ప్రశ్నాపత్రాలు, ఇతర కాన్ఫిడెన్షియల్ మెటీరియల్‌ను జాగ్రత్తగా చూసుకోవాలన్నారు. శుక్రవారం ఆమె నల్గొండ జిల్లా కేంద్రంలోని ఎన్జీ కళాశాలలో ఏర్పాటు చేసిన గ్రూప్- 3 పరీక్షల స్ట్రాంగ్ రూమును పరిశీలించారు. జెసి జే.శ్రీనివాస్, ఆర్డిఓ అశోక్ రెడ్డి, డీఎస్పీ తదితరులున్నారు.
Similar News
News November 30, 2025
నల్గొండ: గల్లీలో దోస్తీ.. ఢిల్లీలో కుస్తీ..!
నల్గొండ జిల్లా పంచాయతీ ఎన్నికల్లో అధికార కాంగ్రెస్ పార్టీని ఓడించే లక్ష్యంతో బీజేపీ, బీఆర్ఎస్ పార్టీలు కొన్ని సర్పంచ్ స్థానాల్లో ‘స్నేహపూర్వక పోటీ’కి తెరతీశాయన్న చర్చ నడుస్తోంది. నల్గొండ, తిప్పర్తి మండలంలో ఈ పరిస్థితి ఉన్నట్లు సమాచారం. ఈ పార్టీల తీరు ‘గల్లీలో దోస్తీ, ఢిల్లీలో కుస్తీ’ అన్న చందంగా ఉందని రాజకీయ విశ్లేషకులు చెబుతున్నారు.
News November 30, 2025
నల్గొండ: సుప్రీంకోర్టు న్యాయమూర్తితో విచారణ జరపాలి: KVPS
బూటకపు ఎన్‌కౌంటర్లపై సుప్రీంకోర్టు న్యాయమూర్తితో విచారణ జరిపించాలని కేవీపీఎస్ జిల్లా ప్రధాన కార్యదర్శి పాలడుగు నాగార్జున డిమాండ్ చేశారు. ఆదివారం నల్గొండ పట్టణంలో ప్రజా నిరసన సభను నిర్వహించారు. ఆయన మాట్లాడుతూ.. ఎన్‌కౌంటర్ల పేరుతో అమాయకుల ప్రాణాలను తీస్తున్నారని ఆరోపించారు. ప్రాణాలు కోల్పోయిన కుటుంబాలను ఆదుకోవాలని కోరారు.
News November 30, 2025
నల్గొండ: పంచాయతీ ఎన్నికల్లో కాంగ్రెస్‌కు రెబల్స్ ఫీవర్
నల్గొండ జిల్లాలో తొలిదశ గ్రామ పంచాయతీ ఎన్నికలకు నామినేషన్ల స్వీకరణ పూర్తి కాగా, అధికార కాంగ్రెస్‌‌కి రెబల్ అభ్యర్థుల రూపంలో తొలి దశలోనే పెద్ద తలనొప్పి మొదలైంది. పలు సర్పంచి స్థానాల్లో కాంగ్రెస్ వర్గీయులే పార్టీ అభ్యర్థులకు వ్యతిరేకంగా నామినేషన్లు దాఖలు చేయించడం కలకలం సృష్టించింది. ఒక సర్పంచి స్థానంలో అధికారిక అభ్యర్థితో పాటు, ఇద్దరు రెబల్స్ బరిలోకి దిగడంతో ఆ గ్రామంలో త్రిముఖ పోటీ నెలకొంది.