News February 13, 2025
గ్రేటర్ HYDలో చెత్త డబ్బాలపై కమిషనర్ల నిర్ణయాలు..!
GHMCలో గత కమిషనర్ రోనాల్డ్ రాస్ ఆధ్వర్యంలో చెత్త డబ్బాలను పూర్తిగా తొలగించారు. కానీ.. రోడ్లపై చెత్త వేసే పరిస్థితి మారటం లేదని తర్వాత వచ్చిన కమిషనర్ ఆమ్రపాలి మళ్లీ చెత్త డబ్బాలను ఏర్పాటు చేశారు. అయినప్పటికీ రోడ్డుపై చెత్త దర్శనమిస్తోంది. ఈ సమస్యకు విరుగుడుగా చెత్త డబ్బా నిండగానే సిగ్నల్ వచ్చేలా ప్రస్తుత కమిషనర్ ఇలంబర్తి స్మార్ట్ డబ్బాలు ఏర్పాటు చేస్తామని ప్రకటించారు.
Similar News
News November 30, 2025
BJP మహబూబ్ నగర్ ఇన్‌ఛార్జిగా కామారెడ్డి జిల్లా వాసి
బీజేపీ సీనియర్ నాయకుడు, ఏబీవీపీ రాష్ట్ర మాజీ అధ్యక్షుడు రంజిత్ మోహన్‌ను మహబూబ్ నగర్ జిల్లాకు ఇన్‌ఛార్జిగా నియమించారు. శనివారం బీజేపీ రాష్ట్ర అధ్యక్షుడు రామచంద్ర రావు నియామక ఉత్తర్వులు జారీ చేశారు. రంజిత్ మోహన్ మాట్లాడుతూ.. పార్టీని జిల్లాలో మరింత బలోపేతం చేసేందుకు తన వంతుగా కృషి చేస్తానని పేర్కొన్నారు.
News November 30, 2025
తెరపైకి దక్షిణ నెల్లూరు జిల్లా..!
స్లాంగ్, కల్చర్‌కు పూర్తి విభిన్నంగా ఉండే గూడూరును తిరుపతి జిల్లాలో కలిపారు. రాపూరు, కలువాయి, సైదాపురం సైతం ఇదే జిల్లాలో విలీనం చేయడాన్ని స్థానికులు వ్యతిరేకిస్తున్నారు. ‘రాయలసీమ వద్దు.. నెల్లూరు ముద్దు’ అనే నినాదంతో సోషల్ మీడియా వేదికగా ఉద్యమిస్తున్నారు. నెల్లూరులో కలిపి వీలు లేకుంటే.. గూడూరు కేంద్రంగా దక్షిణ నెల్లూరు జిల్లా ఏర్పాటు చేయాలని డిమాండ్‌ను అక్కడి ప్రజలు తెరపైకి తెచ్చారు.
News November 30, 2025
2వేల టార్పాలిన్లు సిద్ధంగా ఉంచాం: VZM కలెక్టర్
ఒక వేళ వర్షాలు పడితే ధాన్యం పాడవ్వకుండా 2వేల టార్పాలిన్లు సిద్ధంగా ఉంచామని రాం సుందర్ రెడ్డి తెలిపారు. కలెక్టరేట్లో అధికారులతో నేడు నిర్వహించిన సమీక్షలో ఆయన మాట్లాడారు. మరో 1600 టార్పాలిన్లు జిల్లాకు రానున్నాయని కలెక్టర్ స్పష్టం చేశారు. చీపురుపల్లి, బొబ్బిలి డివిజన్లలో ఇప్పటికే ధాన్యం కొనుగోలు ప్రక్రియ ప్రారంభమైందని, విజయనగరం డివిజన్లో త్వరలో ప్రారంభమవుతుందన్నారు.