News March 30, 2025

ఘనంగా శ్రీరామనవమి బ్రహ్మోత్సవాలు ప్రారంభం

image

భద్రాచలంలోని శ్రీ సీతారామచంద్రస్వామి వారి ఆలయంలో వసంతపక్ష శ్రీరామనవమి బ్రహ్మోత్సవాలు ఘనంగా ప్రారంభమయ్యాయి. బ్రహ్మోత్సవాల ప్రారంభం, ఉగాది పర్వదినం సందర్భంగా ఆలయ అర్చకులు ప్రత్యేక పూజలు నిర్వహిస్తున్నారు. ముందుగా రక్షాబంధనం దీక్ష వస్త్రాల సమర్పణ లక్ష్మణ సమేత సీతారాములకు విశేష అభిషేకం నిర్వహించారు. భక్తులకు ఉగాది ప్రసాదాన్ని పంపిణీ చేస్తున్నారు. ఉత్సవాల్లో భాగంగా సాయంత్రం అంకురార్పణ జరపనున్నారు.

Similar News

News November 29, 2025

ములుగులో ఎన్నికల అధికారులకు శిక్షణ

image

జిల్లా కలెక్టరేట్‌లో గ్రామ పంచాయతీ ఎన్నికల నిర్వహణపై రిటర్నింగ్, సహాయ రిటర్నింగ్ అధికారులకు శిక్షణ కార్యక్రమం శనివారం నిర్వహించారు. అదనపు కలెక్టర్ సంపత్ రావు మాట్లాడుతూ, ఎన్నికల నిర్వహణలో రిటర్నింగ్ అధికారుల పాత్ర కీలకమన్నారు. ఎలాంటి నిర్లక్ష్యానికి తావులేకుండా కార్యదీక్షతో విధులు నిర్వర్తించాలని అధికారులను ఆయన ఆదేశించారు.

News November 29, 2025

చలికాలంలో దూడలకు న్యుమోనియా ముప్పు

image

దూడలు ఎక్కువగా చలికాలమైన నవంబరు నుంచి జనవరి మాసాల్లో మరణిస్తుంటాయి. దీనికి కారణం దూడలకు చలిగాలి, ఈదురుగాలి సోకినట్లయితే న్యుమోనియా వ్యాధి వస్తుంది. ఈ సమయంలో వైద్యం అందకపోతే మరణాలు సంభవిస్తాయి. ఈ సందర్భాలలో జ్వరం కూడా వచ్చి శ్వాస పీల్చడం కష్టమవుతుంది. అలాంటప్పుడు వెంటనే పశువైద్యుడిని సంప్రదించాలి. అలాగే లేగదూడలుండే పశుకొట్టాలను శుభ్రంగా ఉంచి, చలిగాలులు తగలకుండా పరదాలు కట్టి జాగ్రత్త వహించాలి.

News November 29, 2025

‘హిల్ట్’ పెద్ద ల్యాండ్ స్కామ్: మహేశ్వర్ రెడ్డి

image

TG: హిల్ట్ పాలసీ పేరిట ₹6.29 లక్షల కోట్ల విలువైన భూమిని ₹5వేల కోట్లకే కట్టబెట్టడంపై ప్రభుత్వం ఎందుకు చర్చకు రావడం లేదని BJLP నేత మహేశ్వర్‌రెడ్డి ప్రశ్నించారు. కోకాపేటలో ఎకరం ₹151 కోట్లుండగా పారిశ్రామికవాడల్లో ₹54 లక్షలకే ఇచ్చేయడం లూటీ కాదా అని నిలదీశారు. ‘హిల్ట్ పాలసీ పెద్ద స్కామ్ అని నిరూపించలేకుంటే MLAగా రాజీనామా చేస్తా. నిజమని తేలితే CM, సబ్ కమిటీ మంత్రులు రాజీనామా చేయాలి’ అని సవాల్ విసిరారు.