News April 12, 2025
చిట్వేలు: ఆ కాలేజీలో ఒక్కరే పాస్
చిట్వేలు జిల్లా పరిషత్ ఉన్నత పాఠశాలలో నూతనంగా ఏర్పాటు చేసిన జూనియర్ కాలేజ్ ఇంటర్మీడియట్ మొదటి సంవత్సరం పరీక్షల్లో ఒకే విద్యార్థిని ఆనందల మల్లిక ఉత్తీర్ణులయ్యారు. 474 మార్కులకు గానూ 294 మార్కులు సాధించారు. 78 మంది పరీక్షలు రాస్తే 77 మంది ఫెయిలయ్యారు. చిట్వేలులో జూనియర్ కాలేజీ ఏర్పాటు చేశారు కానీ లెక్చరర్లు, ప్రిన్సిపల్ లేకుండానే సంవత్సరం పూర్తి అయిపోయింది. అధికారులు లెక్చరర్లను నియమించాల్సి ఉంది.
Similar News
News November 30, 2025
హన్మకొండ జిల్లాలో నామినేషన్ల ఏర్పాట్లు పరిశీలించిన కలెక్టర్
హన్మకొండ జిల్లాలో రెండవ విడత పంచాయతీ ఎన్నికలకు నామినేషన్ల స్వీకరణ ప్రక్రియ ఆదివారం మొదలైంది. హసన్పర్తి మండలంలోని సీతంపేట, నాగారం క్లస్టర్ కేంద్రాలను కలెక్టర్ స్నేహ శబరీష్ సందర్శించి ఏర్పాట్లను పరిశీలించారు. నామినేషన్ ప్రక్రియను సక్రమంగా నిర్వహించాలని, హెల్ప్ డెస్క్‌లు ఏర్పాటు చేసి, విధుల్లోని అధికారులు గుర్తింపు కార్డులు ధరించాలని ఆమె ఆదేశించారు. ఈ పర్యటనలో జెడ్పీ సీఈవో రవి, పాల్గొన్నారు.
News November 30, 2025
ప్రకాశం జిల్లాలో ఎయిడ్స్ కేసులు తగ్గాయి.!
ప్రకాశం జిల్లాలో ఎయిడ్స్ వ్యాధి తగ్గుముఖం పట్టిందని జిల్లా ఎయిడ్స్ నియంత్రణ అధికారి G.బాలాజీ అన్నారు. 2020-21లో 82419 మందికి టెస్ట్ చేయగా 897 మందికి నిర్ధారణ అయింది. 2021-22లో 202901కి గాను 1250, 2022-23లో 245611కి గాను 1173, 2023-24లో 120334కి గాను 930, 2024-25లో 165269 మందికి గానూ 692, 2025-26 ఇప్పటి వరకు 79901 మందికి టెస్ట్ చేయగా 354 కేసులతో రాష్ట్రంలోనే ప్రకాశం జిల్లా 18వ స్థానంలో నిలిచింది.
News November 30, 2025
అది అభివృద్ధి కాదు.. భూ దోపిడీ: బొత్స
విశాఖ భూముల దోపిడీకి అడ్డాగా మారిందని MLC బొత్స సత్యనారాయణ తీవ్ర విమర్శలు చేశారు. రైతులకు గిట్టుబాటు ధర లేక నష్టాల్లో ఉన్నా ప్రభుత్వం పట్టించుకోవడం లేదన్నారు. ‘లులూ ఒక పనికిమాలిన సంస్థ. రూ.కోట్లు విలువైన భూములను 99 పైసలకే రియల్ ఎస్టేట్ కంపెనీలకు కట్టబెట్టే ప్రయత్నం జరుగుతోంది. విశాఖలో భూములు వేలం పెట్టి ఇవ్వాలి’ అని అన్నారు. కేజీహెచ్, భోగాపురం అంశాల్లో కూడా ప్రభుత్వం వైఖరిని ఆయన తప్పుబట్టారు.