News November 28, 2024
చిత్తూరులో తల్లిపై కానిస్టేబుల్ దాడి
చిత్తూరు పట్టణం దుర్గానగర్ కాలనీలోని రోసి నగర్‌కు చెందిన శంకర్ అనే వ్యక్తి పోలీస్ కానిస్టేబుల్‌గా పనిచేస్తూ సస్పెండ్ అయ్యాడు. తాగుడుకు బానిసై తన తల్లి వసంతమ్మును తాగడానికి డబ్బులు అడిగాడు. లేవు అనడంతో కాలితో బలంగా తన్నాడు. తలకు తీవ్రగాయాలు కావడంతో ఆమెను ప్రభుత్వ ఆసుపత్రికి తరలించారు. పరిస్థితి విషమించడంతో స్విమ్స్‌కు తరలించారు. కేసు నమోదు చేసినట్టు టూ టౌన్ సీఐ నెట్టికంటయ్య తెలిపారు.
Similar News
News December 7, 2024
అనంత స్వర్ణమయం పథకానికి విరాళం ఇచ్చిన దాతలకు వీఐపీ బ్రేక్
ఆనంద నిలయం అనంత స్వర్ణమయం పథకానికి విరాళం ఇచ్చిన దాతలకు వీఐపీ బ్రేక్ (జనరల్) దర్శనాలను ఇవ్వాలని టీటీడీ బోర్డు నిర్ణయం తీసుకుంది. 2008లో టీటీడీ సంకల్పించిన ఈ పథకాన్ని కొన్ని అనివార్య కారణాల వల్ల నిలిపివేసిన సంగతి విదితమే. అప్పట్లో ఈ పథకానికి విరాళం ఇచ్చిన దాతలకు అర్చనానంతర దర్శనం కల్పించాలని నిర్ణయం తీసుకున్నారు. కొన్ని మార్పులతో కూడిన పథకం అమలు చేయనుంది టీటీడీ.
News December 7, 2024
‘రూ.200 కోట్లు విలువైన భూములను పెద్దిరెడ్డి కబ్జా చేశారు’
రూ.200కోట్ల విలువైన భూములకు నకిలీ పత్రాలు సృష్టించి మాజీ మంత్రి పెద్దిరెడ్డి రామచంద్రారెడ్డి కబ్జా చేశారని మదనపల్లెకు చెందిన బాసాని సునీత, రెడ్డి గోపాల్ నాయుడు దంపతులు ప్రజాదర్బార్‌లో మంత్రి లోకేశ్‌కి ఫిర్యాదు చేశారు. మదనపల్లెకు చెందిన కట్టా సులోచనను పెద్దిరెడ్డి బినామీగా పెట్టి మదనపల్లెకు చెందిన 15 కుటుంబాలకు చెందిన భూమికి కబ్జా చేశారని అన్నారు. ఈ సమస్యను పరిష్కరిస్తామని లోకేశ్ హామీ ఇచ్చారు.
News December 7, 2024
టీటీడీ చైర్మన్‌ను కలిసిన శాప్ ఛైర్మన్ రవి నాయుడు
టీటీడీ చైర్మన్‌ను శాప్ ఛైర్మన్ రవినాయుడు మర్యాద పూర్వకంగా కలిశారు. తిరుపతి ఎస్వీ విశ్వవిద్యాలయంలోని శ్రీనివాస స్పోర్స్ కాంప్లెక్స్ ఆధునీకరణ, హాకీ అకాడమీ పునరుద్ధరణకు టీటీడీ తరపున సహాయ సహకారం అందించాలని చైర్మన్‌ను కోరుతూ రవినాయుడు వినతిపత్రం ఇచ్చారు. రవినాయుడు వినతిపై టీటీడీ ఛైర్మన్ సానుకూలంగా స్పందించారు. విద్యార్థులు, క్రీడాకారులకు ఉపయోగకరంగా అభివృద్ధి చేయిస్తానని హామీ ఛైర్మన్ ఇచ్చారన్నారు.