News August 25, 2024
చిత్తూరు: టమాటా ధరలు పతనం
ఉమ్మడి చిత్తూరు జిల్లాలో టమాటా ధరలు భారీగా తగ్గిపోయాయి. ఆగస్టు రెండో వారం నుంచి ధరలు క్రమేపి తగ్గుతున్నాయి. శనివారానికి మరింతగా దిగజారాయి. పుంగనూరు, పలమనేరు మార్కెట్లలో నాణ్యత కలిగిన 15 కిలోల టమాటా బాక్సు ధర రూ.175కు చేరుకుంది. రెండో రకం రూ.100 లోపే ఉండటంతో రైతులు ఆందోళన వ్యక్తం చేస్తున్నారు. జులైలో రూ.400, ఆగస్టు మొదటి వారం 15 కిలోల బాక్సు రూ.300 వరకు పలికింది.
Similar News
News January 23, 2026
చిత్తూరు: మూడు విడతల్లో ప్రాక్టికల్స్
జిల్లా వ్యాప్తంగా ఈ నెల 27 నుంచి ఫిబ్రవరి 10వ తేదీ వరకు మూడు విడతల్లో ఇంటర్ ప్రాక్టికల్ పరీక్షలు నిర్వహించనున్నట్లు ఇంటర్మీడియట్ డీఐఈవో తెలిపారు. మొదటి విడత ఈ నెల 27 నుంచి 31వ తేదీ వరకు, రెండో విడత ఫిబ్రవరి 1 నుంచి 5వ తేదీ వరకు, మూడో విడత ఫిబ్రవరి 6 నుంచి 10వ తేదీ వరకు పరీక్షలు జరుగుతాయని పేర్కొన్నారు.
News January 23, 2026
చిత్తూరు: హెక్టారుకు రూ.56 వేల రాయితీ.!
కొబ్బరి తోట పెంపకానికి ప్రభుత్వం రాయితీ అందించనున్నట్లు జిల్లా ఉద్యానశాఖ అధికారి రామాంజనేయులు తెలిపారు. ఎకరాకు 72 చెట్ల చొప్పున నాటాల్సి ఉంటుందన్నారు. అలా నాటితే హెక్టారుకు రూ.56 వేల చొప్పున ప్రభుత్వం రాయితీగా అందిస్తోందన్నారు. ఆసక్తి ఉన్న రైతులు పట్టాపాసుపుస్తకం, ఆధార్ కార్డు, బ్యాంకు ఖాతాతో రైతు భరోసా కేంద్రాల్లో దరఖాస్తు చేసుకోవాలని ఆయన సూచించారు.
News January 23, 2026
అందుబాటులో 2,100 టన్నుల యూరియా
చిత్తూరు జిల్లాలో 2,100 టన్నుల యూరియా అందుబాటులో ఉందని డీఏఓ మురళీ తెలిపారు. 180 రైతు సేవా కేంద్రాలతో పాటు అన్ని మండల కేంద్రాల్లో యూరియాను అందుబాటులో ఉంచామన్నారు. రైతులకు ఇబ్బందిలేకుండా యూరియా అందిస్తామన్నారు. శుక్రవారం జిల్లాకు మరో 560 టన్నుల యూరియా రానున్నట్లు ఆయన పేర్కొన్నారు.