News August 22, 2024
చిత్తూరు: తల్లితో సహజీవం.. కూతురితో అసభ్య ప్రవర్తన

చిత్తూరులో ఓ బాలికపై లైంగిక దాడికి యత్నించిన ఘటనపై పోలీసులు బుధవారం కేసు నమోదు చేశారు. టూటౌన్ CI.నెట్టికంఠయ్య కథనం..తేనబండ పక్కనున్న బోడిగుట్టకు చెందిన నవీన్ అనేవ్యక్తి ఓ మహిళతో సహజీవనం చేస్తున్నాడు. ఆమె కుమార్తె(14)తో కలిసి ఒకే ఇంట్లో ఉంటున్నాడు. మహిళ పనికి వెళ్లి వచ్చేసరికి, బాలిక ఏడుస్తోంది. అడిగితే తనపై నవీన్ లైంగికదాడికి ప్రయత్నించాడని బాలిక తల్లికి చెప్పడంతో పోలీసులకు ఫిర్యాదు చేసింది.
Similar News
News November 29, 2025
పుంగనూరు: భారీగా పడిపోయిన టమాటా ధరలు

గత కొద్దిరోజులుగా పెరిగిన టమాటా ధరలు తగ్గుముఖం పట్టాయి. మూడు రోజుల కింద గరిష్ఠంగా కేజీకి రూ.50 లభించింది. పుంగనూరులో శనివారం మొదటి రకం 10 కేజీల బాక్స్ రూ.267, పలమనేరులో రూ.340, వి.కోటలో రూ.330 చొప్పున పలికింది. కలికిరిలో రూ.310, మదనపల్లెలో రూ.350 చొప్పున రైతుల నుంచి టమాటా కొనుగోలు చేశారు.
News November 29, 2025
దిత్వా తుఫాన్.. చిత్తూరు కలెక్టర్ కీలక ఆదేశాలు

దిత్వా తుఫాన్ నేపథ్యంలో చిత్తూరు జిల్లాలో నవంబర్ 30, డిసెంబర్ 1న భారీ నుంచి అతి భారీ వర్షాలు కురిసే అవకాశం ఉందని కలెక్టర్ సుమిత్ కుమార్ పేర్కొన్నారు. భారీ గాలులు సైతం వీచే అవకాశాలు ఉన్నందున ప్రజలు అప్రమత్తంగా ఉండాలని సూచించారు. ప్రాణ, ఆస్తి నష్టం సంభవించకుండా ముందస్తు చర్యలు తీసుకోవాలని అధికారులను ఆదేశించారు. అవసరమైతే తాత్కాలిక పునరావాస శిబిరాలు ఏర్పాటు చేసి నిత్యావసరాలను అందుబాటులో ఉంచాలన్నారు.
News November 29, 2025
కుప్పం హైవే విస్తరణకు ఏకంగా రూ.15 వందల కోట్లు

పలమనేరు నుంచి కుప్పం మీదుగా ఆంధ్ర బార్డర్ వరకు సుమారు 84 కిలోమీటర్ల మేర జాతీయ రహదారి విస్తరణకు కేంద్రం గ్రీన్ సిగ్నల్ ఇస్తూ రూ.1500 కోట్లు మంజూరు చేసినట్లు తెలుస్తోంది. ప్రస్తుతం ఉన్న రెండు లైన్ల రోడ్డును నాలుగు లైన్ల రోడ్డుగా మార్చడంతో పాటు బైపాస్ రోడ్ల నిర్మాణం, కల్వర్టులు, ఫ్లై ఓవర్ నిర్మాణానికి సంబంధించి నిధులు మంజూరు అయ్యాయట. కాగా దీనికి సంబంధించి డీపీఆర్ సైతం సిద్ధమవుతున్నట్లు తెలుస్తోంది.


