News August 12, 2024
చిలుకూరు: ప్రమాదవశాత్తు వ్యక్తి మృతి
సూర్యాపేట జిల్లా చిలుకూరు మండలం చెన్నారి గూడెం గ్రామానికి చెందిన మాతంగి గురవయ్య కూలీ పనులు చేసుకుంటూ జీవనం సాగిస్తున్నారు. ఇదే క్రమంలో ఈరోజు ఉదయం ఓ రైతు పొలంలో పురుగు మందు పిచికారీ చేసి ట్రాక్టర్‌పై వస్తుండగా ప్రమాదవశాత్తు బోల్తా పడగా గురవయ్య మృతి చెందారు. ఆయన మృతితో చెన్నారిగూడెం గ్రామంలో విషాదఛాయలు అలుముకున్నాయి.
Similar News
News November 29, 2025
నల్గొండ: గెలుపే లక్ష్యంగా వ్యూహాలు..!
జిల్లాలో 869 గ్రామ పంచాయతీ ఎన్నికల్లో గెలుపే లక్ష్యంగా పార్టీలు సమాయత్తం అవుతున్నాయి. సర్పంచ్, వార్డు సభ్యులుగా పోటీ చేసే ఆశావహులు, కార్యకర్తలతో కాంగ్రెస్, బీఆర్ఎస్, బీజేపీ నేతలు విస్తృతంగా సమావేశాలు నిర్వహిస్తున్నారు. ప్రజల్లో మంచి పేరుతో పాటు ఆర్థిక బలం ఉన్న వారిని పోటీలో నిలపాలని వ్యూహ రచన చేస్తున్నారు. గెలుపే లక్ష్యంగా ముందుకు సాగాలని శ్రేణులకు దిశా నిర్దేశం చేస్తున్నారు.
News November 29, 2025
నల్గొండ: తొలి దశ నామినేషన్లకు నేడే ఆఖరు!
నల్గొండ జిల్లాలోని NLG, CDR రెవెన్యూ డివిజన్ పరిధిలో మొదటి దశ పోలింగ్ జరగనుంది. సర్పంచ్ ఎన్నికలకు గురువారం నామినేషన్ల ప్రక్రియ ప్రారంభించిన విషయం తెలిసిందే. 14 మండలాల్లో తొలిరోజు సర్పంచ్ స్థానాలకు 249, వార్డు స్థానాలకు 729 నామినేషన్లు దాఖలయ్యాయి. రెండో రోజు శుక్రవారం సర్పంచ్ స్థానాలకు 365, వార్డు స్థానాలకు 735 నామినేషన్లు దాఖలయ్యాయి. శనివారం సాయంత్రం వరకు నామినేషన్లను స్వీకరించనున్నారు.
News November 29, 2025
నల్గొండ: యాసంగికి సంసిద్ధం..!
నల్గొండ జిల్లాలో రైతులు యాసంగిలో పంటల సాగు కోసం సన్నద్ధమవుతున్నారు. ఓ వైపు వానాకాలం ధాన్యం అమ్మకాలు, మరోవైపు యాసంగి సాగుకు పొలం దున్నకం, వరి నార్లు పోసుకునే పనుల్లో అన్నదాతలు బిజీబిజీగా ఉన్నారు. జిల్లా వ్యాప్తంగా యాసంగిలో 6,57,229 ఎకరాల్లో పంటలు సాగవుతాయని వ్యవసాయ శాఖ అంచనా వేసింది. అందుకు తగ్గట్టుగా ఎరువులు, విత్తనాలను సిద్ధం చేసినట్లు జిల్లా వ్యవసాయ శాఖ అధికారి శ్రవణ్ కుమార్ తెలిపారు.