News April 16, 2025
చివరి ఆయకట్టు వరకు నీరు సరఫరా చేయాలి: కలెక్టర్

కోనసీమ జిల్లాలో చిట్ట చివరి ఆయకట్టు వరకు పంటలకు పూర్తిస్థాయిలో సాగునీరు సరఫరా చేసేందుకు అధికారులందరూ సమన్వయంతో పనిచేయాలని కలెక్టర్ మహేశ్ కుమార్ సూచించారు. ఆయన అమలాపురంలోని జిల్లా కలెక్టరేట్ వద్ద జలవనరులు, రెవెన్యూ, వ్యవసాయ శాఖ అధికారులతో సమీక్ష సమావేశం బుధవారం నిర్వహించారు. రబీ సీజన్ పంట సాగుకు రైతులకు ఏ విధమైన ఇబ్బందులు లేకుండా సాగునీటిని అందించాలని ఆయన అధికారులకు సూచనలు చేశారు.
Similar News
News November 30, 2025
కృష్ణా: యువకుడి ప్రాణం తీసిన కుక్క

కంకిపాడు మండలం ఈడుపుగల్లు హైవేపై రామాలయం వద్ద శనివారం రాత్రి జరిగిన ప్రమాదంలో వణుకూరుకు చెందిన కుమారవర్ధన్ (28) మృతిచెందాడు. కుమారవర్ధన్ బుల్లెట్పై వస్తుండగా, కుక్క అడ్డు రావడంతో బైక్ అదుపుతప్పి పడిపోయింది. తీవ్రంగా గాయపడిన అతడిని ఆసుపత్రికి తరలించగా, వైద్యులు మృతి చెందినట్లు నిర్ధారించారు. ఘటనపై కంకిపాడు పోలీసులు కేసు నమోదు చేసి దర్యాప్తు చేస్తున్నారు.
News November 30, 2025
NLG: ఉప సర్పంచ్ పదవికి పెరిగిన క్రేజ్!

జిల్లాలో పంచాయతీ ఎన్నికల్లో ఉప సర్పంచ్ పదవికి క్రేజ్ పెరిగింది. గ్రామాల్లో చక్రం తిప్పే ముఖ్య నాయకులు అంతా ఇప్పుడు ఉప సర్పంచి పదవి పైనే దృష్టి కేంద్రీకరించారు. రిజర్వేషన్లు అనుకూలంగా రాకపోవడంతో పాటు మహిళలకు 50% సర్పంచి స్థానాలు రిజర్వు కావడంతో చాలా మంది బడా బాబులకు పోటీ చేసే అవకాశం లేకుండా పోయింది. దీంతో చాలా గ్రామాల్లో ముఖ్య నేతలంతా ఉప సర్పంచి పదవి కోసం రంగంలోకి దిగుతున్నట్లు తెలుస్తోంది.
News November 30, 2025
సిరిసిల్ల: జిల్లాలో సర్పంచుల నామినేషన్ల వివరాలు ఇవే..

వేములవాడ అర్బన్ – 11 గ్రామాల్లో సర్పంచ్ 87, వార్డులకు 270.
వేములవాడ రూరల్ – 17 గ్రామాల్లో సర్పంచ్ 98, వార్డులకు 336.
చందుర్తి మండలం – 19 గ్రామాల్లో సర్పంచ్ 113, వార్డులకు 397.
రుద్రంగి మండలం – 10 గ్రామాల్లో సర్పంచ్ 39, వార్డులకు 180.
కోనరావుపేట మండలం – 28 గ్రామాల్లో సర్పంచు స్థానం కోసం 202, వార్డులకు 513 నామినేషన్లు అందాయి.
మొత్తం సర్పంచులకు 539, వార్డులకు 1696 నామినేషన్ వచ్చాయి.


