News July 24, 2024
చీరాల: నెల వ్యవధిలో రెండు దారుణాలు
చీరాల మండలం ఈపూరుపాలెంలో నెల వ్యవధిలో రెండు దారుణాలు జరగడం కలకలం రేపుతోంది. <<13482646>>గత నెల 21వ తేదీ<<>> ఉదయం బహిర్భూమికి వెళ్లిన యువతిని రైల్వే స్టేషన్ సమీపంలో ముగ్గురు యువకులు రేప్ చేసి చంపేయడం సంచలనం రేపింది. కాగా అదే గ్రామంలో రిటైర్డ్ టీచర్ అయిన ఒంటరి వృద్ధ మహిళ లలితమ్మ హత్య బుధవారం వెలుగు చూసింది. దీంతో స్థానిక ప్రజలు ఆందోళన చెందుతున్నారు. ఇలాంటి ఘటనలు పునరావృతం కాకుండా చర్యలు తీసుకోవాలంటున్నారు.
Similar News
News January 8, 2026
ప్రకాశంలో మొదలైన సంక్రాంతి సందడి
ప్రకాశం జిల్లా వ్యాప్తంగా సంక్రాంతి సంబరాలు మొదలయ్యాయి. పలు ప్రభుత్వ కార్యాలయాలు, పాఠశాలలు, ప్రైవేట్ కళాశాలలో గురువారం సంక్రాంతి సంబరాలను నిర్వహించారు. ముగ్గుల పోటీలు నిర్వహించి విద్యార్థులకు బహుమతులను అందజేశారు. కొన్ని కళాశాలల్లో భోగి మంటలు వేసి విద్యార్థులకు పండగ విశిష్టతను ఉపాధ్యాయులు వివరించారు.
News January 8, 2026
రైతులకు రుణాలు మంజూరయ్యేలా చూడాలి: కలెక్టర్
రైతుల సంక్షేమాన్ని దృష్టిలో ఉంచుకొని రుణాలు మంజూరయ్యేలా చూడాలని కలెక్టర్ రాజాబాబు బ్యాంకు అధికారులను ఆదేశించారు. ఒంగోలులోని కలెక్టర్ కార్యాలయంలో జిల్లా స్థాయి సాంకేతిక కమిటీ సమావేశాన్ని ఆయన గురువారం నిర్వహించి మాట్లాడారు. జిల్లాలో ఉద్యాన పంటల విస్తీర్ణాన్ని పెంచేలా సహకార బ్యాంకులు రైతులకు సరైన సమయంలో రుణాలు అందించాలన్నారు.
News January 8, 2026
దోర్నాల: ఆవుల మందపై పులి దాడి
దోర్నాల మండలం బొమ్మలాపురంలోని బీడు పొలంలో మేతకు వెళ్లిన ఆవుల మందపై పెద్ద పులి దాడి చేసింది. ఈ దాడిలో ఏరువా చెన్నారెడ్డికి చెందిన ఆవుకు గాయాలయ్యాయి. ఈ ఘటనతో బొమ్మలపురం గ్రామానికి చెందిన రైతులు, కూలీలు భయాందోళన చెందుతున్నారు. పెద్ద పులి సంచారంపై అటవీ శాఖ అధికారులు గతంలో గ్రామంలో అవగాహన కార్యక్రమాలు నిర్వహించారన్నారు. అధికారులు చర్యలు చేపట్టాలని కోరుతున్నారు.