News July 23, 2024

చీరాల: బాలికను వేధించిన నిందితుడి అరెస్టు

బాలికను వేధించిన కేసులో నిందితుడు కటకటాలపాలయ్యాడు. పోలీసుల వివరాల మేరకు.. చీరాల మండలంలోని ఒక గ్రామానికి చెందిన యువకుడు అదే గ్రామానికి చెందిన బాలికను ఫోన్ నంబర్ ఇవ్వమని వేధించాడు. బాలిక తల్లి ఈపూరుపాలెం పోలీసులకు ఫిర్యాదు చేయగా, కేసు నమోదు చేసి దర్యాప్తు చేపట్టారు. ఈ కేసులో నిందితుడిని పోలీసులు సోమవారం అరెస్టు చేసి, న్యాయస్థానం ముందు హాజరుపరిచినట్లు తెలిపారు.