News March 18, 2025
చెన్నూర్: రోడ్డు ప్రమాదంలో యువకుడి మృతి
HNK జిల్లా హసన్‌పర్తిలో జరిగిన రోడ్డు ప్రమాదంలో చెన్నూర్ మండలం పొక్కురుకి చెందిన విజయ్ మృతిచెందాడు. పోలీసుల వివరాలు.. గ్రామానికి చెందిన విజయ్ పరకాలలో డిగ్రీ చదువుతున్నాడు. ఆదివారం రాత్రి స్నేహితులతో కలిసి బైక్‌పై ఎర్రగట్టు జాతరకు వెళ్లారు. ఈ క్రమంలో వీరి బైక్‌ను గుర్తుతెలియని వాహనం ఢీకొంది. ఈ ఘనటలో విజయ్ స్నేహితుడు సుశాంత్ స్పాట్‌లోనే చనిపోగా.. MGMలో చికిత్స పొందుతూ విజయ్ సోమవారం మృతి చెందాడు.
Similar News
News October 22, 2025
చిత్తూరులో కంట్రోల్ రూమ్
చిత్తూరు జిల్లాలో భారీ వర్షాలు కురిసే అవకాశం ఉందని.. ప్రజలు అప్రమత్తంగా ఉండాలని కలెక్టర్ సుమిత్ కుమార్ కోరారు. జిల్లాలో కుండపోత వర్షాలు కురుస్తాయన్నారు. లోతట్టు ప్రజలు వాగులు, వంకల వైపు వెళ్లరాదని సూచించారు. అత్యవసరమైతే ప్రజలు బయటకు రావాలని కోరారు. వర్షాలతో ఏదైనా ఇబ్బంది ఎదురైతే కంట్రోల్ రూము నంబర్లు 9491077325, 08572 242777కు కాల్ చేయాలని కోరారు.
News October 22, 2025
మల్లన్న దర్శనానికి 3 గంటల సమయం
కార్తీక మాసం తొలిరోజు శ్రీశైలం మల్లన్న ఆలయం భక్తజనంతో కిటకిటలాడుతోంది. రెండు తెలుగు రాష్ట్రాలతో పాటు పలు రాష్ట్రాల నుంచి వేలాది సంఖ్యలో భక్తులు తరలివస్తున్నారు. ఉచిత దర్శనం క్యూలైన్లలో దర్శనానికి వెళ్లేందుకు సుమారు 3 గంటలకుపైగా సమయం పడుతున్నట్లు భక్తులు తెలిపారు. ఆలయ ప్రాంగణాలు భక్తులతో కళకళలాడుతున్నాయి. అయ్యప్ప దీక్ష దారులు ఆలయ ప్రాంగణంలో కార్తీక దీపాలు వెలిగించారు.
News October 22, 2025
ALP: రేపు అలంపూరు ఆలయాల హుండీ లెక్కింపు
అలంపూర్‌లో వెలసిన జోగులాంబ దేవి, బాల బ్రహ్మేశ్వర స్వామి ఆలయాల హుండీ లెక్కింపు రేపు (గురువారం) నిర్వహిస్తున్నట్లు ఈవో దీప్తి బుధవారం ప్రకటనలో పేర్కొన్నారు. ఆలయాల ప్రాంగణంలో ఉదయం 10:00 గంటల నుంచి లెక్కింపు ప్రారంభమవుతుందన్నారు. స్వామి అమ్మవారి భక్తులు, పరిసర ప్రాంత భక్తులు హాజరై హుండీ లెక్కింపులో పాల్గొని స్వామి అమ్మవారి కృపకు పాత్రులు కావాలని కోరారు.