News March 9, 2025

చేర్యాల: రెండు రోజుల్లో పెళ్లి.. యువకుడి పరార్

image

సిద్దిపేట జిల్లా చేర్యాల మండలానికి చెందిన యువతికి, జనగామ జిల్లా బచ్చన్నపేట గ్రామానికి చెందిన ఓ యువకుడితో వివాహ నిశ్చయం జరిగింది. ఈనెల 8న చేర్యాల పట్టణంలోని ఫంక్షన్ హాల్లో వివాహం జరగాల్సి ఉంది. అయితే 2 రోజుల క్రితం యువకుడు మరో యువతితో ఉడాయించాడు. విషయం తెలిసిన యువతి కుటుంబీకులు ఆందోళనకు గురయ్యారు. పెళ్లి నిలిచిపోవడంతో న్యాయం చేయాలని పోలీసులను ఆశ్రయించారు.

Similar News

News November 30, 2025

కన్నెస్వాములు శబరి యాత్రలో పాటించే ఈ ఆచారం గురించి మీకు తెలుసా?

image

తొలిసారి మాల ధరించినవారిని కన్నె స్వాములు అని అంటారు. వీరు తమ మొదటి యాత్రకు గుర్తుగా శరములను (అంబులను) ఎరుమేలి నుంచి తెచ్చి శరంగుత్తి అనే ప్రదేశంలో గుచ్చుతారు. ఈ శరాలు గుచ్చిన చోటే రక్షణగా వచ్చిన కరుప్పస్వామి ఆగిపోతారని నమ్మకం. మాలికపురత్తమ్మ అమ్మవారు ప్రతి సంవత్సరం ఏనుగు అంబారిపై వచ్చి, ఆ శరాలను చూసి, తన వివాహం జరగలేదని బాధపడి వెనుతిరిగి వెళుతుందని ప్రతీతి. <<-se>>#AyyappaMala<<>>

News November 30, 2025

వరంగల్: పేరుకే వేర్వేరు గ్రామాలు..!

image

సాధారణంగా ఒక గ్రామానికి మరో గ్రామానికి మధ్య కొంచెం దూరం ఉంటుంది. కానీ, ఇక్కడ గ్రామాలు వేరే అయినా ఆ గ్రామాలు కలిసే ఉంటాయి. ఇలాంటి విచిత్ర పరిస్థితి వరంగల్ జిల్లా పర్వతగిరి మండలంలో నెలకొంది. తురకల సోమారం-జమల్‌పురం రెండు గ్రామాలు ఒకే చోట కలిసి ఉంటాయి. అచ్చం ఇలాగే నారాయణపురం-రోళ్లకల్లు గ్రామాలు సైతం కలిసే ఉంటాయి. గ్రామాలు ఒకే చోట ఉన్నా గ్రామ పంచాయతీలు మాత్రం వేర్వేరు కావడం విశేషం.

News November 30, 2025

గెలుపే లక్ష్యంగా కాంగ్రెస్ త్రిముఖ వ్యూహం

image

TG: పంచాయతీ ఎన్నికల్లో గెలుపే లక్ష్యంగా కాంగ్రెస్ త్రిముఖ వ్యూహంతో రంగంలోకి దిగుతోంది. రాష్ట్రస్థాయిలో CM రేవంత్, PCC చీఫ్ మహేశ్, రెండో స్థాయిలో జిల్లాల ఇన్‌ఛార్జ్ మంత్రులు, మూడో స్థాయిలో DCC అధ్యక్షులు పర్యవేక్షించనున్నారు. జిల్లా నేతలతో నిరంతరం ఆన్‌లైన్ సమావేశాలు నిర్వహిస్తూ అత్యధిక పంచాయతీలు గెలిపించే బాధ్యత ఇన్‌ఛార్జ్ మంత్రులపై ఉండగా DCC కొత్త అధ్యక్షులకు ఈ ఎన్నికలు సవాల్ అనే చెప్పాలి.