News December 3, 2024
చేవెళ్ల యాక్సిడెంట్ ఎఫెక్ట్.. అధికారుల హెచ్చరిక
చేవెళ్ల మం. పరిధి ఆలూరు గేటు వద్ద జరిగిన రోడ్డు ప్రమాదంలో నలుగురు మృతి చెందగా.. మరో ముగ్గురికి తీవ్ర గాయాలయ్యాయి. దీంతో అధికార యంత్రాంగం అప్రమత్తమైంది. మంగళవారం చేవెళ్ల వ్యవసాయ మార్కెట్ కమిటీ హెచ్చరిక బ్యానర్ ఏర్పాటు చేసింది. హైవే పక్కన కూరగాయలు అమ్మితే రూ. 10 వేల FINE విధిస్తామన్నారు. చేవెళ్ల వ్యవసాయ మార్కెట్, రైతు బజార్‌లో కూరగాయలు అమ్ముకోవాలని సూచించారు. ఇందుకు తగు సౌకర్యాలు కల్పిస్తామన్నారు.
Similar News
News November 30, 2025
HYD: పర్సనల్ వీడియోలతో బెదిరింపు.. అమ్మాయిపై దాడి
వ్యక్తిగత వీడియోలు వైరల్ చేస్తానని బెదిరిస్తున్న తేజ, తనతో కలిసి ఉంటున్న లక్ష్మి (25)పై కత్తితో దాడి చేసి గాయపరిచాడు. ఈ ఘటన శనివారం తెల్లవారుజామున బంజారాహిల్స్‌లోని జరిగింది. బ్లాక్‌మెయిల్ చేయడాన్ని ప్రతిఘటించిన లక్ష్మి ఛాతీపై తేజ పొడవడంతో ఆమెకు తీవ్ర గాయాలయ్యాయి. లక్ష్మిని ఉస్మానియా ఆస్పత్రికి తరలించారు. లక్ష్మి బావ ఫిర్యాదుతో పోలీసులు నిందితుడిపై కేసు నమోదు చేసి దర్యాప్తు చేస్తున్నారు.
News November 30, 2025
HYD: రేపు విలీనం.. రంగం సిద్ధం?
ORR పరిధిలోని 20 పట్టణాలు, 7 నగరాల‌ను GHMCలో విలీనం చేసే ప్రక్రియ వేగవంతమైంది. ఈ మహాత్తర పునర్వ్యవస్థీకరణ కోసం అధికారులు ఇప్పటికే సన్నాహాలు ప్రారంభించారు. డిసెంబర్ 1న ప్రభుత్వం ఆర్డినెన్స్ విడుదల చేయనున్నట్లు విశ్వసనీయ సమాచారం. విలీన ప్రక్రియ పూర్తి కాగానే ఈ స్థానిక సంస్థలు GHMC కమిషనర్ అధీన పరిపాలనా వ్యవస్థలోకి సమీకృతం కానున్నాయి. తదుపరి పాలన GHMC 1995 చట్టం ప్రతిపత్తిలో కొనసాగనుంది.
News November 30, 2025
హైదరాబాద్ గుంతల లెక్క!
నగరవ్యాప్తంగా జీహెచ్‌ఎంసీ చేపట్టిన రోడ్డు సేఫ్టీ డ్రైవ్‌లో భాగంగా నవంబర్ 28 నాటికి మొత్తం 22,797 గుంతలను గుర్తించారు. వాటిలో 21,511 గుంతలను విజయవంతంగా పూడ్చివేశారు. సికింద్రాబాద్: 5,140 గుంతలు, ఎల్బీనగర్ 3,828, ఖైరతాబాద్ 3,785, కూకట్‌పల్లి 3,217, చార్మినార్ 2,885, శేరిలింగంపల్లి 2,656 గుంతలు ఉన్నాయి. మీ ప్రాంతంలో రోడ్డు పరిస్థితి ఎలా ఉంది? ఈ డ్రైవ్‌పై మీ అభిప్రాయం కామెంట్ చేయండి.